Etokolo laminista womayulele Emma Theofelus okukaleka ekuto lomunambelewa womauyelele wepangelo ola eta omapulo a mana mo.
Okatendo kokumona omauyelele, ka pitifwa momudo 2020, oka yandja kukeshe Omunamibia oufemba wokupula ouyelele komahangano epangelo nopeemhito dimwe komahangano opaumwene.
Ashike omulandu wokutula oveta moilonga owa dama ashike pokukuta omunambelewa womauyelele.
Okuhoolola eekandidate okwa pumbwa elitulemo, Omutumba wOpashiwana u dimine okandidate napresidente a ninge euliko laxuuninwa.
Omulandu ou okwa li wa totwa u amene ombelewa iha xwaxwamekwe kopolitika.
Oivike itatu ya pita opaliamende okwa li ya shiivifa omhito yoilonga yomunambelewa womauyelele akula nomupedu waye, ovo oilonga yavo tai ka nghonopekwa koveta.
Eshiivifo eli okwa li li na ondjabi yomunambelewa wouyelele tai limbililike i li lwopomiliyona oshinghwanyu nhee komudo ile N$120 000 komwedi.
Omwa kwatelwa yoo notuwa yoludi loMercedes-Benz E400 ile BMW 528i ile omodela yongushu i fike pwaadi.
Oveta otai ti kutya ondjabi yomunambelewa ou nai kale i fike pwaayo yomukulunhu wiliki wokomisi yokulwifa oulingilingi – tai holola ngaa oshilonga shombelewa oyo.
Ashike nee, manga omikundu edi inadi potokononwa, Theofelus okwa kaleka omulandu wokukuta puhe na nande etomeno la sha.
Minista oku na ongele yokufatululila oshiwana ngee oshinima eshi oshe likolelela kokatendo kokumona omauyelele, okukuta oku otaku ka tameka naini notaku ka pula efimbo li fike peni.
Na fatulule ngee okwa kundafana ngaa nokomitiye ya hoololwa, mwa kwatelwa omahangono oshiwana, kutya oshikwashike naana ponhele yokuninga osho tashi monika sha fa etokolo lomunhu ashike umwe.
Omido dihapu, opwa kala pu na eudeko lapuka kutya okatendo kokumona omauyelele okovatoolinghunda ashike. Nande oikundaneki nayo otai mono omauwa, elalakano lokatendo ola pitilila po opo.
Nande omongeshefa, okumona ouyelele oshinima sha fimana.
Oshihopaenenwa, ovanangeshefa vamwe ohava kala nale ve shii eemhito manga inadi shiivifwa pashiwana – eetendela, eyandjo lomadu neequota, oshihopaenenwa.
Ove na ouwa wokumona oipumbiwa, omikanda da fimana nopeemhito dimwe, novaningi vomatokolo voovene.
Osho nee oveta oyo tai pitike keshe Omunambia a kale e na oufemba wokuindila nokupewa ouyelele wa fimana wepangelo ya pumbwa okutulwa moilonga diva puhe omakateko.
Ovanhu ovo ve na eemhito dokumona omauyelele luhapu ohava kala ve li komesho kwaavo vehe na sha.
Ngee ovanhu vokomikunda ove shii kutya omawiliko avo ee na omutengekwafaneko womayakulo oo inaa yandjwa, otava dulu okupula omapulo omondjila ndee tava pula ovaleli ve shi kalele po.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
