Oshilyo shoSwapo mewiliko laVenduka Sakarias Uunona okwa li a hoololwa Etitano a ninge mayola mupe waVenduka.
Uunona okwa pingena po Ndeshihafela Larandja nokwa teelelwa a kwatele komesho ewilikongudu laVenduka oule womido nhano.
Eshi kwa li ta yandje oshipopiwa shaye shetambuleko, Uunona okwa ti oshimaliwa sha wana otashi ka kala oshinima sha fimana unene opo oshilando shi shi longife mokuyandja omayakulo.
“Oshilando ashike osho shi na oshimaliwa sha wana tashi dulu okunyamukula keemumbwe dovakalimo,” osho a ti ngaho.
Okwa weda po kutya oinakuwanifa ya fimana yeekamusela dipe odo da anifwa otai ka twikila nokonima yoshikako shavo, ta weda po kutya odi li ovakwatelipo vombili.
Okwa indila oilyo ikwao i tameke oilonga yayo nomukumo.
“Natu kwashilipalekeni kutya ewilikongudu tali shikula ko otali fyuulula oshilando shi na ombili noshi li xwepo monghalo,” osho a weda po ngaho.
Uunona okwa indila oshiwana opo shi longele kumwe newilikongudu mokuungaunga noikumungu yopanghalafano.
“Natu nghonopekeni elongelokumwe novanyasha, oshikondo shopaumwene, eengeleka noshikondo osho shihe fi shopambelewa. Ngee hatu pwilikine nawa, ohatu ka wilika nawa,” osho a ti ngaho.
“Ovenduka otai lunduluka, omalalakano ongudu noilonga nao ee na okulunduluka.”
Albertina Amutenya woSwapo okwa li a ulikwa a ninge omupedu mayola nomupedunashipundi welelodoolopa laVenduka.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
