Ovanhu voukashikekokanhu umwe ovo ve li mekwatafano lopaihole natango inava pewa oufemba wokulihombola moNamibia, minista wouyuki noipambele yoilonga Wise Immanuel osho a ti ngaho mOmutumba wOpashiwana Etivali.
Oshinima eshi Immanuel okwe shi yeleka sha landula omalimbililo aminista woilonga noyeendifo Veikko Nekundi kombinga yetambuleko leehombo dovanhu vokashikekokanhu umwe.
Okwa ti etokolo lOmhangu ya shiya ko muMei 2023 okwa li li na sha neehombo doludi eli odo da ningilwa pondje yoshilongo shi na sha noipambele yomatembu.
“Ngee ohombo yoludi eli ya ningilwa kondje yaNamibia, epangelo laNamibia otali i tambula ko shi na sha nomatembu, ndele osho nashi udike ko nawa,” Immanuel ta ti.
Okwa yeleka kutya etokolo itali ti eehombo dovanhu voukashikekokanhu umwe oda tambulwa ko moNamibia.
She likolelela kuImmanuel, konima yetokolo lomhangu olo, opaliamente okwa li ya pitifa oveta tai fatulula ohombo momudo 2024.
Ashike nee nande ongaho, oveta ei inai tulwa natango moilonga shaashi inai manifwa.
Eyeleko laminista ole ya mokati komapulo taa twikile kombinga youfemba weehombo doludi eli naapo odo da ningilwa kondje yoshilongo da tambulwa ko kepangelo.
Immanuel okwa ti etokolo lOmhangu ya shiya ko nali udike ko nawa kutya okwa li la ningwa she likolelela koshike, ponhele yokutalika ko kutya etambuleko leehombo dovanhu voukashikekokanhu umwe paveta moNamibia.
Oshikumungu eshi natango inashi manifwa sha landula omalunduluko oveta opaliamente netokolo lomhangu olo la tambula ko eehombo edi da ningilwa kondje yoshilongo nomalalakano omatembu.
