Omuprima minista Elijah Ngurare okwa pula ehangano ledina Namibia Industrial Development Agency (Nida) li fute eengunga doshimaliwa shi fike poN$300 000 dolusheno lelelodoolopa laGibeon opo kukwashilipalekwe kutya olusheno ola a lulwa moNida Industrial Park.
Elombwelo eli Ngurare okwe li yandja sha landula eelopota kutya olusheno konhele oko ola kala la tetwa ko oule woivike itatu, omanga nomeva taa twikile okupatwa keshe efiku nao taa i oilonga moshipala.
Elombwelo eli okwe li yandja Etine eshi kwa li a talela po koGibeon Industrial Park.
Okwa popya yo vali kutya onhele oyo ihai longifwa naana, noutala vahapu vehe na ovanhu otava ngabeke eemhito dovanangeshefa modoolopa, unene ngaa ovanyasha.
“Ohandi pula vali onhele ei i pewe po elelodoolopa laGibeon, olo la hala okuyandja ohiila tai dulu okulididimikilwa i yambule po eengeshefa modoolopa,” Ngurare ta ti.
Onghatu ei otai lalakanene okuyandja omatungo kovanangeshefa vashona, okuyambula po oinyangadalwa yopaliko nokutota eemhito doilonga moGibeon.
Oshinima eshi osha hala okuungaunga nonhele ei itai longifwa ngaashi shi na okukala manga yo tai wilikwa kovanhu ve li popepi noshiwana.
Elelodoolopa ola teelelika okuyandja eehila dombilixa opo li nane eengeshefa novanangeshefa ngee omukundu wolusheno nomeva wa ungaungwa nao.
“Eenhele doipindi naku kwashilipalekwe kutya otadi longo nokuyandja eemhito dopaliko di li wetikile koshiwana, unene ngaa ovanyasha ovo va hala okutota eengeshefa noilonga,” osho a ti ngaho.
