Minista womayambulepo eedoolopa noitopolwa yokomikunda Sankwasa okwa yandja elondwelo la mana mo kutya kapu na nande edu lelelodoolopa tali ka landifwa po pamukalo washanamutete kefindano.
Elondwelo eli okwe li yandja Omaandaxa pefimbo lepatululo loshoongaleleilonga neekamusela dipe koRundu.
Oshoongaleleilonga eshi okwa li sha holoka eekamusela okudja koKavango Uninginino, Kavango Ushilo, Zambezi, Rundu, Katima Mulilo, Bukalo, Divundu nOnandjaba.
“Itamu ka kala nande okulandifa po edu lomalelodoolopa pamukalo washanamutete kefindano moshilongo omu pefimbo loshikako shange. “Oshinima eshi osha imba Ovanamibi vahapu okukala ve na omaumbo opamufika.
“Ito dulu okulandifa edu pamukalo u li ngaho; otwa ile koita tu mangulule oshilongo eshi medina ledu,” Sankwasa osho a ti ngaho.
Okwa ti ookamusela luhapu ohava ningi unene omadu ondilo ndee ovanhu tava kala itava dulu okulanda.
