‘The Namibian’ a pewa omukanda gwokutuma omawi mombepo

EHANGANOWILIKI lyomakwatathano moshilongo lyedhina Communications Regulations Authority of Namibia (Cran) olya pitike nokugandja omukanda konzonkundaneki yo opo yi vule okukala yi na oradio ndjoka tayi uvika momudhingoloko gwaVenduka.

Ehangano ndyoka hali kondolola ooradio moshilongo nokugandja omapitikilo goomakuthikuthi moshilongo, olya gandja omukanda ngoka tagu koleke onkundana ndjoka komukuluntu gwoThe Namibian, Tangeni Amupadhi, mEtiyali.

Ehangano lyedhina Free Press of Namibia, ndyoka lya kwiinina onzonkundaneki yo, petameko lyomvula ndjika okwa li lya ningi eindilo lyomukanda gwomakuthikuthi gomomudhingoloko gwaVenduka, opo li pewe ekuthithikuthi 95.3 FM, nenge 106.6 FM, okugandja omakwatathano gomombepo gomukaakena gondjundo yoowatts 500.

Onzonkundaneki yo, yimwe yomomahangano gatano ngoka ga tseyithwa koCran muApilili okupitila momukanda gwepangelo, kutya oga ninga omaindilo gokupewa omikanda dhokutuma omawi mombepo.

Momahangano ngoka gatano omwa kwatelwa Namibian Media Academy – lyi li kohi yoNamibia Media Holdings, osho wo Trustco, ndyoka li na o. Omukanda ngoka gwa pewa o ogwa pitika ehangano li longe ongoradio kokontalaka yoomvula ntano ndjoka hayi vulu okugwedhelwa. okwa pewa wo ompito yoradio yomuzizimba kokontalaka yoomvula 12.

Sho a pulwa a tye ko sha, Amupadhi okwa yamukula tati: “Epitikilo ndyoka otali nkondopeke ondunge yetu yokugandja oonkundana nuuyelele pamikalo odhindji dha yooloka.”

Okwa gwedha po kutya o oya tameka nale nokukundaneka oshigwana okupitila paungomba, unene tuu komalungula.

“Nonkalo ndjoka hayi kala nokulunduluka twa hala okugandja omayakulo getu agehe kaantu yetu pamikalo adhihe nokuthikitha oonkundana mpoka ye li. Katwa li tatu vulu okwi idhimbika ehanganowiliki Cran.”

Omukanda gwokutuma omawi mombepo ngoka gwa pewa o otagu pitike ehangano ndyoka li longe ongehangano lyoradio osho wo oradio yomuzizimba.

Kombinga yoradio yomuzizimba, Amupadhi okwa pulwa ngele ehangano oli na ngaa ethaneko lyokutota po oradio yomuzizimba.

“Otatu ende ashike pankatu inatu ilongekidhila oradio yomuzizimba natango. Tango otwa thaaneka okulongitha omukanda gworadio pekuthikuthi 95.3 FM, etumomawi ndyoka otali uvikilwa moshitopolwa shaKhomas nopomahala gopopepi,” osho a popi ngaaka.

Sho a pulwa kombinag yedhina lyoradio yoThe Namibian, okwa yamukula tati: “Kaleni ashike mwa tula onguti puuya.”

Kombinga yaashoka oshigwana tashi kala sha tegelela koradio uuna ya tameke okupititha omawi mombepo, otashi ka tseyithwa pehulilo lyomwedhi nguka, osho Amupadhi a popi ngaaka.

“Elunduluko olyo ompito yokukoka. Tse ko otwa hala okukokela pamwe naalanduli yetu, notatu tsikile nokukundaneka uukwashili mboka wu li po okupitila momikalo dha yooloka tadhi thiki mookona adhihe dhaNamibia osho wo kokule.”

Stay informed with The Namibian – your source for credible journalism. Get in-depth reporting and opinions for only N$85 a month. Invest in journalism, invest in democracy –
Subscribe Now!

Latest News