Ovalumenhu vavali ova xulifa moshiponga shotuwa kOshakati ongula yonena konima otuwa yavo vati ye lidenga mumwe notuwa yEtanga lEameno laNamibia.
Oshiningwanima eshi osha kolekwa komupopiliko wopolifi moshitopolwa shaShana inspekta Thomas Aiyambo.
“Oshiningwanima osha ningwa potundi 07h00 ongula yonena mondjila yopokati kOshakati nOshikuku. Omwa kwatelwa obaki nokatuwa kashona. Omunhu umwe okwa xulifa eshi a fika koshipangelo, omanga mukwao a xulifila poshiponga,” osho a ti ngaho.
“Omushingi wobaki okwa mona oshiponga unene noku li moshipangelo,” osho a weda po ngaho.
Aiyambo ina dulu okupopya omadina oonakufya, ta ti ovakwapata inava shiivifilwa natango.
