Swapo okwa taalela omatopauko omeni sha landula edopo leindilo lokomhangu lokutaataya po ovakondjeli manguluko vakulu ovo va kala va xunga onanda pombelewa yakula yongudu.
Ongudu ei oya kala ya xunga onanda pombelewa yakula yongudu okudja muOktoba odula ya dja ko.
Oya kala tai pula omanyamukulo kombinga yoimaliwa oyo tai ti okwa li ya pewa ongudu, i vatele Ovanamibia ovo va li kombanda va alukile keumbo manga oshilongo inashi manguluka.
Eindilo la endelela omo Swapo a kendabala a mone elombwelo okudja komhangu tali pula ongudu ei i fiye po ombelewa yaye yakula ola dopa momhangu yopombada yaVenduka.
Eindilo longudu okwa li la ekelwashi komupanguli womhangu yopombada, Gabriel Komboni, Etine.
Hamushangandjai mukulu woSwapo, Pendukeni Iivula-Ithana mexuliloshivike okwa pula ngee etokolo lokutwala ovanhu ovo komhangu oli li ngaa mondjila.
Mokakilipa koWhatsApp mexuliloshivike, okwa ti onghatu ya tya ngaho okwa li i na okutokolwa kongudu mutima yongudu.
Iivula-Ithana, oo naye e li oshilyo shongudu mutima, okwa ti omatokolo akula moSwapo ohaa ningwa kongudu mutima, ndee kashi shii konguduwiliki.
“Olutu olo kwa li li na okuninga omatokolo ongudu mutima. Ongudu wiliki ihai ningi omatokolo.
Ohai tula moilonga omatokolo ongudu mutima.
“Ongudu mutima inai ninga etokolo lokutwala ovakondjeli manguluko komhangu nande efiku limwe.
Kashi ko. Oshikumungu osho kapwa li nande efiku limwe sha etwa kongudu mutima,” osho a ti ngaho.
Hamushangandjai mukulu okwa li a hala okuuda kutya olyelye a pitika etokolo eli lopaveta, ta ti ina pewa nande enyamukulo.
‘OTASHI LULUMA’
“Olyelye a tokola okutwala ovakondjeli manguluko vakulu komhangu? Olyelye e shi ninga? Fiyo opaife inandi mona enyamukulo . .. otashi lulumike vahapu vomushe.
Otashi tu lengifa okutala osho tashi ningwa, omanga natango fyee ongovaleli tuhe shii eshi sha ningwa po. Oshi lulumika,” osho a ti ngaho.
Iivula-Ithana okwa ti keshe etokolo lokuya komhangu ponhele yongudu ola pumbwa okuningwa kongudu mutima, mwa kwatelwa nokuyandja eenghono kuhaende.
“Eenghono dahaende ohadi yandjwa kongudu mutima shaashi oku na okufutwa kongudu.
Kapu na nande omunhu e na eenghono dokutya oimaliwa yaSwapo nai longifwe momukalo u li ngaho,” osho a ti ngaho.
Okwa ti okwa ninga okakilipa konima omulumenhu umwe, oo ta feekele kutya omukondjeli manguluko, ta popi kutya ongudu mutima oya koleka etokolo lokutwala ovakondjeli manguluko vakulu komhangu.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
