Ehangano olo hali wilike oshimaliwa shokulongifa eepate moNamibia ledina Road Fund Administration (RFA) ola longekida oshimaliwa shi fike peemiliyona di li N$752 shi ya mbidide okuwapaleka eepate meedoolopa momudo woshimaliwa 2026/27.
Oshinima eshi okwa li sha shiivifwa komunambelewa kulunhu e na sha nomayakulo mehangano, Ferdinand Molale, pefimbo loshoongalele shovakufimbinga koTsumeb Etivali.
Ovakufimbinga okwa li va kufwa va ka konakone eyokomesho nouwa weyambule po leepate naasho sha longwa modoolopa.
Ewapaleko olo la ningwa mopate yaNamutoni, olo la tamekele koFarmhouse Deli ndee tali i fiyo okomashakeneno eendjila aTsumeb naTsintsabis, okwa li la tameka muNovemba 2024, noilonga oya manifwa nopate otai longifwa nale.
Manuel Pedro wokumuni waTsumeb okwa ti okondalaka ei okwa li i na oshimaliwa shi fike lwopeemiliyona N$23, ashike ewapaleko lopate ola pula eemiliyona N$9.7.
“Oproyeka oya manifwa notwa longifa po eepelesenda domutengenekwafaneko di li 95.
Okwa li lela oproyeka iwa, nande opwa li omikundu ngaashi onghalo yomhepo. Oproyeka oya manifwa, opate oya patuluka notai longifwa paife ngaha,” osho a ti ngaho.
Okwa weda po ta ti opate yaNatis natango otai wapalekwa nokwa teelelika i ka manifwe muApilili 2026 kongushu yeemiliyona N$14.
“Eshi efimbo lodula tali ya, eyokomesho otashi dulika li piyaanekwe shaashi omatungo nomeva itaai dulu okutulwa mumwe,” osho a ti ngaho.
Omukulunhuwikili wamuni waTsumeb ta vatele Frans Enkali okwa ti oilonga yokuwapaleka opate oyo i li metifa modoolopa omayakulo ovanhu ndee kai fi oudano.
“Oinima ei otai eta omayakulo kovanhu, kashi fi popepi navo,” osho a ti ngaho.
Molale okwa ti oshinima eshi oshi li ombinga yoilonga yoRFA i kwashilipaleke eameno newapaleko leepate domeedoolopa melongelokumwe nomawiliko eedoolopa.
“Ongushu yeepate moNamibia oshinima sha fimana,” osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
