Aafekelwa yaali otaya li le okili mongali sha landula sho ya tulwa miipandeko oshiwke sha zi ko lwanima sho ya yaka ondjato moshihauto shoka kwa li sha thikamekwa mepandaanda.
Opolisi yoshilandopangelo oya longo nuupu okutotha mo aafekelwa mboka okupitila mokamela ndjoka hayi tonatele nokuulika shoka tashi inyenge momomapandaanda.
Oshiningwanima shoka otaku hokololwa sha ningwa mEtitano ethimbo lyomutenya mOvenduka, sho aafekelwa yaali ya yaka ondjato moshihauto, nopolisi ndjoka tayi tonatele okamela oya tseyithile meendelelo mboka ye li komutunda opo ya tule miipandeko aafekelwa mboka.
“Shoka oshe eta ondjato ndjoka ya yakwa po yi galulwe, nokwa li nokuli yina okompiyuta yopeke osho wo oodokumente dhilwe dha simana,” osho opolisi ya popi ngaaka.
Aafekelwa mboka oyo Johannes Armas (42) naNatangwe Armas (35), noya holoka nale mompangu nokutindilwa oboloha.
Okwa tegelelwa ya ka holoke natango mompangu momasiku 17 Febuluali 2026.
Opolisi oya tumbaleke iilongapondoli tayi longwa kuungomba okupupaleka iilonga yopolisi mokukeelela iimnbuluma.
Pethimbo ndika lyomatango omanene opolisi oya kunkilile wo oshigwana shi kale shi li uupathi okushilipaleka egameno lyawo, osho okukaleka aluhe iihauto yawo ya patwa nokwiiyageka okuthiga mo iinima yongushu.
