Omuwiliki wovanapaliamente vongudu yoLandless People’s Movement Dawid Eigub okwa pula olopota yomaumbo a tungwa momudo woshimaliwa 2025/2026.
Eshi osha landula eudaneko lepangelo lokutunga omaumbo e li 10 000 e na ombilixa komudo nomaumbo e li 50 000 moule womido nhano, nokuyambula po omalukanda.
Eigub oshinima eshi okwe shi pula minista womayambulepo eedoolopa noitopolwa yokomikunda James Sankwasa momutumba wopashiwana.
“Eshi ku na ashike omwedi noivike ishona mangha omudo woshimaliwa wo2025/2026 inau fika pexulilo, minista ota dulu okuyandja olopota ya yela yeenhele odo da wapalekwa nomwaalu womaumbo e na ombilixa oo a tungwa keshe modoolopa, molukanda, momukunda ile moshilando?” osho a pula ngaho.
Eigub natango okwa pula kutya omilandu dilipipo da tulwa po kuungaungwe nekateko lokuyandja omadu momalelo eedoolopa.
Omapulo aye ee ya konima presidente Netumbo Nandi-Ndaitwah odula ya dja ko muApilili oshipopiwa shaye mopaliamente kwa li a lombwela oministili opo i tote po okangudu kokuyandja omadu.
Eigub okwa ti omumbwe yomaumbo nomadu natango oi li oupyakadi wakula, neepelesenda di li lwopo80 dovanhu meedoolopa odi li momalukanda.
