Presidente Netumbo Nandi-Ndaitwah okwa yandja efudiko lopapangelo komukondjeli manguluko noshilyo shoSwapo shikulukulu Matias Kanana Hishoono, oo a xulifa pomido 89 oshivike sha dja ko.
Eshiivifo okwa li la ningwa komukulunhuwiliki ta vatele mombelewa yopaumwene yapresidente, John Kantana, Omaandaxa.
Hishoono okwa dja komukunda Onambutu, omukunda u li moshitopolwahoololo shaHangwena, oko a kala mwene womukunda nokwa li a mona efimaneko lakula molwelelo laye, oilonga yaye mekondjelo manguluko nekufombinga laye mokutunga oshiwana konima Namibia a mona emanguluko.
Okudja pefyo laye, ovaleli vopapolitika, ovakondjeli manguluko noshiwana ova kala nokuyandje efimaneko kuHishoono, ta ve mu ula kutya omukondjeli manguluko e litula mo nomulineekelwa oo ondjokonona yaye tai twikile fiyo alushe.
Omupopiliko wofamili France Kaundinge okwa ti ofamili okwa li ya pewa ehoololo i hoolole onhele opo ta ka fudikwa pokati komaendo okOmugulugwombashe nomaendo omapendafule kEenhana.
Okwa ti ofamili oya hoolola omaendo omapendafule mEenhana shaashi Hishoono okwa dja moshitopolwahoololo shaHangwena, osho tashi mu pitike opo a fudikwe popepi neumbo.
Oshivilo dimbuluko otashi ka ningwa mongula nomEtine, omangha oshivilo dimbuluko shopambelewa tashi ka ningwa mEtitano peumbo laHishoono.
