Ehangano lombelela laNamibia ledina Meat Corporation of Namibia (Meatco) ola holola kutya ombelewa yomuprima minista natango oi na eengunga dovanafaalama ovo va landifile oimuna yopohalama yomayambidido oshikukuta deemiliyona di li N$28.1.
Omukulunhuwiliki waMeatco Albertus !Aochamub okwa ti oifuta oyo ya katekwa kai fi oshinakuwanifa shehangano ashike otai kumu nai ovalandifi ovo ve lineekela meefuto dopefimbo opo va ye komesho noilonga yavo.
Okwa ti eengunga edi doimuna ya landwa kepangelo ongombinga yeenghendabala dokukondjifa oshikukuta ndee ta yeleke kutya oimaliwa yovanafaalama ovo va landifa oimuna ndee kai fi nande yaMeatco.
!Aochamub okwa ti, ekateko eli oya teya po elineekolo lovanafaalama kutya oshimaliwa otashi ka futwa diva.
“Oimaliwa ei kai fi yaMeatco; oyovanhu yaavo epangelo la landa oimuna kuvo oyo ya vatela Ovanamibia pefimbo loshikukuta.
Ngee eemiliyona di li N$28.1 oda futwa ndee tadi pewa ovanhu ovo kwa li va landife ombelela, ondi wete kutya omukundu ou otau ka potokononwa ngaashi eshe umwe e lineekela,” osho a weda po ngaho.
!Aochamub natango okwa ti oimaliwa oyo ya longekidilwa oshikefa shoEqualisation Fund, sha totwa shi shonopeke omwaka pokatai kovanafaalama vongeshefa novanafaalama vokomikunda konooli, opo natango tashi ka yandjwa koMeatco.
Okwa ti Okabinete odula yandja ko okwa li ya koleka oshikefa eshi ship ewe eemiliyona di li N$100, naMeatco okwa pewa oshinakuwanifa shoku shi wilika.
Ashike nee, oshimaliwa natango inashi yandjwa.
“Eshi omudo woshimaliwa shepangelo tau uya pexulilo laMarsa, otu na ashike eemwedi mbali da shaala ko opo Okabinete i tule moilonga etokolo layo vene.
Eemiliyona di li N$100 inadi yandjwa natango kadi mo moshikefa shetu.
Meatco okwe li longekida okutopola oshimaliwa ngee sha yandjwa,” !Aochamub osho a ti ngaho.
-THE BRIEF
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
