Minista wOmayambulepo Edoolopa nOmikunda James Sankwasa okwa pula Ovaafrica va konakone nghee omifyuululwakalo doshitilyane tadi lundulula omaukwatya avo.
Sankwasa edi okwe dipopya kouvalelo wowina kOlufuko kOutapi Olomakaya.
Minista okwa ti kutya Ovaafrica otava dimbwa omifyuululwakalo davo manga tava landula eenghedi dihe fi davo.
“Otwa dja peni? Otwa yuka peni” osho a pula ngaho.
Okwa indila Ovaafrica va pekapeke ndee tava udu ko nawa odiililo noukwatya wavo.
Okwa yandja yo oushima kwaasho ta ti okutapa okumonika nawa, ta ti Ovaafrica ova itavelifwa kutya ondjelo yavo yopaushitwe inai wana.
“Otwa lundulula nefatululo londjelo.
Ngee ou na eexwiki de litonya, ku muwa, owa pumbwa okula u na eexwiki doBrazilian.
Ku shii nokutya eexwiki odo oda dja kulyelye,” osho a ti ngaho.
Sankwasa natango okwa yemba oipanyala yoshinanena, ta ti oinima imwe yokulimumamuma otai ngabeke ovanhu komaxupilo opamufyuululwakalo.
“Kaleni noipanyala yeni, oyo hai mu imbi oku ka longa mepya?” osho a pula ngaho.
