Epangelo onghela ola lombwela omhangu yamagestrata mOndangwa kutya oshipofa shonghendabala yedipayo osho tashi tamanekelwa ndokotola wopaunamiti wokOndangwa Fillemon Nakanduungile osha lundululilwa koshipofa shedipayo.
Nakanduungile ota tamanekelwa okulongela kumwe nongudu yovalongi voikolokosha oyo va ti ya tila omutamaneki Justine Shiweda oudiyo wa nyika oshiponga momafiku 17 Oktoba odula yadja ko.
Shiweda (31) okwa xulifa Olomakaya sha etwa koshiponga osho a mona eshi a ponokelwa.
Oshipofa osha kwatela mo ovatamanekwa ve li vahamano naNakanduungile oku li omutamanekwa omutihamano.
Omutamaneki Yeukai Kangira okwa lombwela omhangu yamangestrata mOndangwa kutya nande oshikumungu eshi okwa li shi na okupwilikinwa ku tokolwe kombinga yobooloha, mangestrata kali po a twikile.
“Mangestrata Lukata ke po nena, onghee itatu dulu okutwikila nena, okwa li twa lombwelwa kutya oimaliwa yokulikwafa mefiku inai yandjwa nokwa kala ta ende koimaliwa yaye mwene oikando ya yooloka,” osho a ti ngaho.
Okwa weda po kutya ombelewa yoipambele yoveta otai longo i tume mangestrata.
“Onda lombwelwa kutya mangestrata opo e li, shama ashike pu na oshimaliwa onghee nee ohatu pula tu twikile noihokolola ei momafiku 16 Febuluali 2026,” osho a pula ngaho.
Oshikumungu okwa li sha undulilwa komafiku 16 Febuluali 2026 opo oihokolola yobooloha i twikile.
Nakanduungile okwa li a lombwelwa a kale modolongo yevyulonghalo moGrootfontein fiyo ta ka holoka vali komhangu.
