Omuyandjimayele akula welelo lopamufyuululwakalo laMasubia, Raphael Mbala, okwa shiivifa pambelewa kutya omapopyo efyo lohamba yaMasubia, Munitenge Moraliswani III kee shi oshili.
A kumwa kombinga yomapopyo ehe li mondjila, omuyandjimayele akula wopamufyuululwakalo, Mbaha, Etitatu okwa li a ufana oshoongalele noikundaneki opo a yeleke oinima.
Oikundaneki oyo ya li ko okwa li ya pewa oufemba i shakene nokufaneka ohamba koBukalo Royal Palace.
“Otwa ongala apa tu mu lombwele shiwana kutya oinima oyo mu udite kai li mondjila.
Oipupulu nonde lineekela kutya omwa mona kutya ohamba yetu oi li nawa. . . ondi li apa neekamusela adishe daMasubia ndi mu ulikile kutya aishe oi li nawa oku koBukalo,” Mbaha ta ti.
Mbaha, oo a li nale kamusela woshikandjohoololo shaKabbe (manga kwa li inashi topolwa), okwa londwela yoo vali kutya oipupulu oyo “kai wa notai dulu okweeta edundakano mokati koshiwana osho tashi dulika shi tameke okulwila oinima ihe li mondjila.”
Eshi a pulwa kutya oshike mbela sha etifa omapopyo aa ehe li mondjila, Mbaha okwa popya kutya otashi dulika sha etwa kwaashi kwa li aveshe va ile kOvenduka va ka mone omakonakona opaunamiti.
“Okwa ile kOvenduka a ka konakonwa okaima ashike kashona kundokotola ndee eshi twa aluka oshivike sha dja ko Etitano, onda tameka okumona omatumwalaka a shikulafana taa popi kutya ohamba oya fya, okwa li sha kumwifa nge neenghono,” Mbaha ta ti.
Mutwa okwa li a ningwa ohamba yelelo laMasubia lopamufyuululwakalo muApiilili 2025, a fitika omwa womido nhee welelo oo wa kala uhe na omunhu okudja ngaa pefyo laMunitenge Liswani III momudo 2021.
Mutwa omuduti weeveta mukulu koministili youyuki noku li omonamati akula wohamba nakufya (BaShalwisa) Joseph Moraliswani II, oo a xulifile momudo 1996. Taku shikula nee ohamba Liswani III oo a lela fiyo a xulifa.
Mbaha okwa nangekwa pambelewa muFebuluali neudo a kufa ko omuyandjimayele akula mukulu Albius Kamwi oo a ya moshipundi shetulumuko muOktoba 2025 konima a lela oule womido 13.
– NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
