Omunaambaanga a shiivika nawa nokwa finamekwa ku vahapu Thomas Koneka Iindji okwa li a pewa eumbo laye laxuuninwa komukunda wavo kOmbuga Yamunyoko moshitopolwahoololo shaMusati Olomakaya.
Iindji okwa li a mana eengeda momafiku 23 Apilili konima yoweehame wefimbo lixupi.
Metumwalaka lehekeleko lomupedu pelesidente waNamibia, Netumbo Nandi-Ndaitwah, okwa ti efyo laIindji oli li ekanifo lakula koshilongo.
“Efyo ola nyeka Namibia, nongudu yoSwapo oya kanifa omuleli omulineekelwa oo kwa li ovanhu vahapu va tala muye. Otu na okudjuulukwa ohole yaye nohokwe yaye yokuyambula po oshilongo eshi,” Ndaitwah osho a ti ngaho.
Meme waIindji, Helena Itamalo, okwa ti omonamati oo a xula ko okwa hanganifa ovanhu okudja koitopolwahoololo noilongo ya yooloka.
“Koneka okwe tu hanganifa atushe, yee okwa kwatakanifa nge novanhu va yooloka okudja keembinga neembinga. Onda endaenda nda ya komakule handi talele po okupitila momonamati wange,” Osho a ti ngaho.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
