OO e lile po ouministili womafikopamwe opaukakwashikekookanhu nonghalonawa younona wongudu yoIndependent Patriots for Change (IPC) Lilian Lutuhezi Etine okwa pula minista woundjolowele Esperance Luvindao mopaliamente kombinga yeelopota kutya eepelesenda di lwopo80 domateelelo a wa mo a didilikwa koshipangelo shepangelo shaKatima Mulilo otashi dulika sha etwa keenghendabala dokwaakufa mo.
Lutuhezi okwa pula ngee minista okwa li ngaa e na ouyelele kombinga yonghalo ei nongee oku na, omilandu dilipipo oministili youndjolowele nomayakulo opanghalafano tai kufa i dule okuungaunga noshikumungu eshi.
Okwa pula ouyelele kombinga yeenghendabala odo da tulwa moilonga opo ovanhu va dule okumona omayakulo okukelela omateelelo inaa pumbiwa nomayambidido oo a pewa ovanailonga vopaundjolowele ovo va taalela omikundu pokati kokuyandja omayakulo kovanaudu nokuungaunga noipambele yopaveta i na sha nokukufa mo omateelelo.
Okwa ti ovakainhu vahapu noukadona otava longifa omikalo da nyika oshiponga okukufa mo omateelelo.
“Vamwe ohava lande eepela momalukanda omanga vamwe hava longifa omikalo inadi amenwa noda nyika oshiponga ngaashi okutula mo oinima ile okunwa omaudiyo va kendabale okukufa mo omateelelo,” osho a ti ngaho.
“Oinima ei otai tula eemwenyo dovanyasha ovakainhu noukadona moshiponga shakula.”
Lutuhezi okwa weda po kutya nande ovanailonga voundjolowele ove shii onghalo ei, vahapu ove udite kutya okulopota oinima i li ngaha kopolifi otashi dulika ku teye ovakainhu omukumo wokukonga omayakulo opaunamiti ngee ve li moshiponga sholudi eli.
“Ngee ova kala ve na oumbada wokuya koshipangelo, oudu otau naipala ndee vamwe tava file nokuli momaumbo.
Omwaalu ou owa kwatela mo eemwenyo dovanyasha ve na oumbada, etonyalo nokafilu kenyenye,” osho a ti ngaho.
Okwa ti kutya onghalo ei otai holola kutya kapu na omayakulo okukelela omateelelo inaa pumbiwa a wana, mwa kwatelwa omumbwe yeevenda neepela dokukelela omateelo.
Luvindao okwa teelelika a nyamukule omapulo aa oshivike eshi.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
