Minista weliko Ericah Shafudah okwa shiivifa kutya opendjela yovakulupe otai ka wedelwa noshimaliwa shi fike poN$100 okudja mulotete laApilili, nande omaudaneko omido da dja ko hasho kwa li e li ngaha.
Eshi osha hala kutya ovakulupe paife otava ka kala nokumona opendjela i fike poN$1700 okudja poN$1600 oyo hava mono paife.
Eshiivifo e li okwe li ninga pefimbo kwa li ta ndjadjukununa omutengenekwafaneko wopashiwana Etine.
Ewedelo otali ka longifa oshimaliwa okudja meebiliyona N$12.9 odo da pewa oministili yoshimaliwa.
“Oministili yeliko oya mona eebiliyona di li N$12.9 momutengenekwafaneko womudo woshimaliwa 2026/27, omo eemiliyona di li N$447 tadi ka longifwa mewedelo lopendjela yovakulupe okutameka mulotete laApilili 2026,” Shafudah osho a ti ngaho.
Natango eemiliyona di li N$58 oda yandjwa di longifwe momawedelo eendjabi dovanapolitika neemiliyona di li N$140 oda tulwa po di longifwe moinima yopaulumomumbwe.
