Angola okwa shiivifa omafaneko okwiila ko ounona vaye ovo ve li momapandaanda paife moNamibia mangha omudo ou inau pwa ko.
Oshinima eshi okwa li sha hololwa koshifokundaneki Journal de Angola shaAngola Etivali.
Eshiivifo okwa li la ningwa komukalelipo waAngola moNamibia, Pedro Mutindi.
Mutindi vati okwa limbililikwa koinano ileile oyo ounona tava ende vehe li novakulunhu, unene ngaa eekilomita di li 760 okudja kOshikango okuya kOvenduka.
“Oinima aishe kombinga yomalukalwa, osheendifo noikulya oya longekidilwa nale ounona ava, opo ku kwashilipalekwe kutya ova aluka nawa ve li meameno,” Mutindi osho kwa li a endululwa ngaho koshifokundaneki.
