Ehangano lokwaamena omaliko ledina G4S Namibia ola ti ovafufi vamwe ova tameka okuvaka po omidjalo komileko noku di longifa papuko va kale va fa ovanambelewa vokwaamena omaliko nokupangela mOvenduka.
Momushangwa wokomalungula Olomakaya, ewiliko lehangano ola ti ovafufi ova lopotwa tava longifa omidjalo da vakwa nelalakano lokulonga “oinima ihe li paveta”.
G4S okwa ti ovanailonga vaye ihava holoka nande poima inashi shiivifwa. Ehangano ola ti ovaameni vomaliko ohava landula omilandu da mana mo dokupewa oilonga, mwa kwatelwa okudengela ovayakulwa mangha inava ya keenhele davo novanailonga vavo ohave ya ve li moyeendifo yehangano ya shangwa, ihave ya ashike ve li keshe mosheendifo ile kolupadi. Ehangano otali pula oshiwana shi kwashilipaleke ngee omunhu oo okwa dja ngaa kehangano shili mangha inashi yandja epitikilo komunhu a ye monhele yavo.
Omunailonga koG4S okwa lombwela oThe Namibian Oshoondaxa kutya ova dengelwa ongodi komukalimo womoAcademia mOvenduka Etitano ta ti omulumenhu a dja la omudjalo woilonga woG4S okwa li e ya pomuvelo waye weumbo ta ti oha pangele nokwa pumbwa okuwapaleka oshinima shonhumba meumbo. “Omukalimo okwa nukila pomutenya ina patulula nande omuvelo waye ndee te tu dengele. Otwa koleka kutya kapu na omunhu e li ngaho he tu longele,” omunailonga osho a ti ngaho.
Okwa ti oshiningwanima sha fa eshi natango okwa li sha lopotwa Etitano.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
