Omunangeshefa wOmuchina, Stina Wu, omunashipundi wehangano ledina Stina Youth Growth Foundation, okwa yandja omaano e fike po300 kovanhu ovo tava mono oixuna okupitila mombelewa yangoloneya waKavango Ushilo Etitatu.
Omaano aa omwa kwatelwa okashoko koufila keekilohalama 5, ekende lomaadi okulya leemililita 750 nokashako koshuuka keekilohalama 2.
pefimbo kwa li taku yandjwa oinima ei, ngoloneya woshitopolwahoololo shaKavango Ushilo Julius Hambyuka okwa ti omaano aa oshinima tashi ulike kutya opwa pumbwa okukatukwa onghatu.
“Oshinima eshi kashi fi ashike oshitufi. Onghatu yetokolo la dja mohole nomoukumwe.
Edimbulukifo kwaavo va kala inava talwa, vehe uditike noihava filwa oshisho nawa kutya eenghalamwenyo davo, efimano neendjodi davo odi li na oshilonga,” Hambyuka osho a ti ngaho.
Okwa ti edimbulukifo kutya “Inamu dimbiwa.”
“Luhapu, ovanahu tava mono oixuna mokati ketu – ovakulupe vetu, oingudu, eefiwa novanhu ovo ve na oiyemo ishona ovo tava mono ashike oixuna melimweneneno, vehe na evatelo lasha,” Hambyuka osho a ti ngaho.
Wu, okwa ti okwa itavela mefimano lovanhu, efikopamwe noufemba wakeshe omunhu a kale e udite kutya oku wetike, oku uditike nokwa fimanekwa.
“Oikulya ei kai fi ashike oufila, oshuuka ile omaadi. Edimbulukifo kutya omu na oshilonga.
Kutya nande omefimbo lomaudjuu, opu na ovanhu ovo ve wete oudjuu weni, va itavela meenghono deni nove li pamwe nanye,” osho a weda po ngaho.
Okwa weda vali ta ti okwa dimbulukifwa kkoshinima shomayambulepo a kwatela mo ovanhu aveshe shapresidente Netumbo Nandi-Ndaitwah, nota kwatelwa komesho kokulalakanena oukumwe.
“Ehangano eli, la hokwa onghedi oyo tuu oyo, ole lilongekida okulonga novanhu vetu, unene ngaa ovanysha, ovanhu ovo tava mono oixuna mondjila yomayambulepo,” osho a ti ngaho.
Omukalimo womoSafari, Magnus Hamutenya (23) moshikandjohoololo shaRundu Urban oo naye a mona oikulya ponhele yofamili yaye okwa ti omaano aa oikulya oshinima shakula neenghono kuvo.
“Otu li mo omuwoi meumbo, kapu na nande oumwe ha longo. Atushe otwa tala ashike mokafitola kopeumbo kameme opo tu xupe,” Hamutenya osho a ti ngaho.
Mercian Ntamba a dja komukunda wedina Ndiyona moshikandjohoololo shaNdiyona okwa ti oikulya ei otai va xupifa omafiku ashona.
“Onda mona oikulya yaTheobard Kamungombo, omunaulema oo ha di naame,” osho a ti ngaho.
Ntamba okwa ti ohava longo momapya ovanhu opo va dule okumona oiyemop va xupe.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
