Hahende e shiivike nawa Sisa Namandje okwa yandja omaano oshimaliwa shi fike poN$10 000 okupitila mehangano Sisa Namandje Foundation kuBerend Jagger.
Jagger oxe yaDiana Jagger naRoseltha Higoam, ovo aveshe va xulifila moshiponga pokati koMariental sha ningwa pokati kohauto yopolifi yaNamibia nohauto yodolongo yevyulongahalo osho sha twaalela eemwenyo dovanhu ve li 16 Olomakaya.
“Nefimaneko linene tambula ko omahekeleko etu a dja komutima pefimbo e li lenyeme lakula.
Onghundana ei tai udifa nai oya udifa nai oshilongo ashishe.
Okukanifa oumonakadona vavali oshinima itashi dulu okudilaadilwa, ndee omitima detu odi li naave nofamili yoye,” omunashipundi woshikefa, Taimi Iileka-Amupanda, osho a ti ngaho.
Ehangano ola ti otashi nyemateke unene eshi Jagger a fiilwa a tekule eefiye di li heyali.
Oshimaliwa, osho sha futwa nale mombaanga oyo ya yandjwa kofamili, otashi ka vatela neemumbwe dounona.
“Pamekweni nokuhekelekwa kohole yaavo ve li pamwe nanye, nondjokonona yaDiana naRoseltha nai kale alushe momitima deni,” ehangano osho la ti ngaho.
