Presidente Netumbo Nandi-Ndaitwah okwa halela omayambeko omunangeshefa wokonooli Benjamin Hauwanga eshi a pewa efimano kepangelo laAngola koshitopolwa shaCunene molwoilonga yaye iwa.
Momukanda wa nyolwa Olomakaya, ombelewa yapresidente oya ti efimano eli okwa li la yandjwa pefimbo letyapulo etimilongonhano lemanguluko laAngola.
Oshinima eshi oshi li tashi ulike eenghendabala daHauwanga dokuyambula po oshiwana okupitila mehongo, oundjolowele nomaumbo.
“Ekufombinga laye, mwa kwatelwa okutunga eefikola, oukilinika nomaumbo e li 96 mOndjiva eefamili edi da kumwa unene koita yopashiwana, ola yambula po eenghalamwenyo dihapu nokunghonopeka elongelokumwe lopashitopolwa,” omukanda osho wa ti ngaho.
Nandi-Ndaitwa okwa pandula Hauwanga molwohole yaye, oukwao wananghali nokuya melongelokumwe novanhu vaAngola, oshiwana osho shin a ondjonona nomakwatafano okomutima naNamibia.
Eyambidido laye tali twikile kovanhu vaAngola, okwa weda po, otaa holola eenghedi dOmuafrica moshili.
“Ponhele yepangelo laNamibia, presidente ota halele Hauwanga omayambeko mefimaneko laye e li lilongela noku mu pandula eshi a holola eenghedi dounhu nomayakulo,” omukanda osho wa ti ngaho.
