Ovalongifi veepate moshilando ova dja mokalungu kombinga yomikweyo diledile mopate, navahapu ova nyenyeta kutya ohava ningi eeveli mopate ongula nokomatango eshi tava di koilonga, osho hashi va kateke unene va fike oko va yuka pefimbo.
Omukalimo womoElisenheim, Charmaine Nel (56) okwa lombwela oThe Namibian Etitatu kutya omikweyo domatuwa mopate oda ninga oshinima shakeshe efiku.
Nel okwa ti ofamili yaye okwa li hai ende ominute o30 okudja koElisenheim okuya koKlein Windhoek keshe fiku ongula, ashike paife ohashi va pula ominute di li lwopo45 ile shi dulife nokuli povili.
“Oshi lulila neenghono,” osho a ti ngaho.
Okwa ti omushamane waye oha pitike okatekulukadona koAll Nations School manga inava twikila nondjila, ashike omikweyo domatuwa ohadi va kateke nande oshinano oshixupi.
Ehangano loyeendifo ledina Namibia Bus and Taxi Association (Nabta) ola ti omanyenyeto ee li mondjila, tali weda po kutya omwaalu woyeendifo tau ningi uhapu, eepate inadi wana novalongifi vopate shihe li paveta otava wedele oupyakadi.
Hamushangandjai woNabta, Pendapala Nakathingo okwa ti ovanhu ovo have ya koilonga moshilando ovo naana va kumwa koshinima eshi neenghono.
“Ovo hava longifa oyeendifo yoshiwana ove na okupenduka ongula va ye koilonga, ashike natango ohava ningi eevili mopate,” osho a ti ngaho.
Nakathingo okwa ti opate ohai kala iha di neenghono natango pefimbo lomusha eshi ovadali tava ka tala ounona vavo kofikola nokomatango eshi ovanhu tava di koilonga.
Okwa ti Elelodoolopa laVenduka nali kendabale li wedele eepate nokutalulula eendjila odo hadi kala nomatuwa mahapu unene.
“Otwa pumbwa lela okuwedela eepate ile tu tale eembinga odo hadi yuka omatuwa ahapu,” osho a ti ngaho.
Mayola woshilando Sakarias Uunona okwa lombwela oThe Namibian Etitatu kutya ovashingi vomatuwa nava kendabale va longife eepate odo ihadi kala diha di opo tashi dulika, ndee tava fimaneke ovalongifi vopate vakwao nokulivangeka okuteta omikweyo.
“Oto hange eumbo li na ovanhu vatano ndee aveshe ove na omatuwa,” osho a ti ngaho.
Uunona natango okwa ti “kapu na osho omunhu ta dulu okuninga kombinga yomatuwa ile ovalongifi vopate tava ningi vahapu.”
