Opolifi yaKahandja oya tameka pambelewa oshikonga shomatango manene
Omukulunhu woshitaashi shopolifi kOkahandja Mathias Tjarimba okwa popya kombinga yefimano lelongelokumwe pokati kopolifi noshiwana mokukwashilipaleka eameno pefimbo lomatango manene.
“Etanga lopolifi yaNamibia eudaneko lokwaamena ovo ve li moshiponga, okuyambula po ouyuki nokukwatela po ombili. Ashike eudaneko eli itali dulu okuwanifwa po ngee otwe li tongola.
Otali i komesho medina lelongelokumwe nanye,” Tjarimba osho a ti ngaho.
Omukulunhu woshitaashi okwa pula keshe umwe a twikile nokuduta oinima ipe pamwe, a popye a manguluka nokulela nomukumo.
Marius de Klerk, omuwiliki wehangano lokwaamena omaliko ledina Onyati Security kOkahandja, okwa ti ove lilongekidila omatango manene.
“Otwa wedela eengudu doyeendifo neemota odo di li po. Otwa tula mo oufano veameno mOkahandja tu kelele oimbuluma,” osho a ti ngaho.
De Klerk okwa weda po kutya ovanailonga aveshe vakula neengudu dimwe da wedwa po otava ka longa efiku alishe, kapu na ou ta i mefudo, kukwashilipalekwe kutya opu na eameno la shiya ko.
Omukulunhu wehangano loIndongo Toyota noku li omupolifi ta vatele kOkahandja Chrisco Smith okwa ti kutya otava kwashilipaleke kutya oyeendifo yopolifi alushe otai ende mopate i nyamukule koiponga diva.
“Ohatu longo okudja potundi 07h00 fiyo 17h00 ndee konima yoilonga ohatu ka vatela kopolifi,” osho a ti ngaho.
