Omunadolongo womulumenhu (37), okwa xulifa Omaandaxa konima e lidenga po mondolongo koRundu.
Osha eta nee opolifi i tameke okukonakona osheetifi shefyo.
Omuunganeki womakonakono oimbuluma koshitopolwahoololo shaKavango Ushilo, omupedu komisina Bonifatius Kanyetu, okwa koleka oshiningwanima eshi onghela.
Okwa ti vati omunadolongo okwa tameka ta kungu manga ine lidenga po ndee ta twalwa koshipangelo koRundu, ashike kakwa li te linyenge.
Eshi a fika koshipangelo okwa monika kutya ke na omwenyo.
Nakufya okwa li a mangwa po molwoshipofa shomahepeko opalutu nelalakano lokweehameka nokwa li vati a teelela okuningilwa omakonakono opamadilaadilo.
Ouyelele waye inau hololwa shaashi ovakwapta kakwa li va shiivifilwa.
Nomakonakono opolifi ee li metifa.
Moshingwanima sha yooloka mefiku omo tuu omo, omukainhu (39) okwa xulifa konima a pumwa kotuwa mondjila yoTrans-Caprivi Highway moRundu manga kwa li ta kendabala okutaulula opate.
Osheendifo osha nuka ko kopate ndee tashi ke lidenga motuwa ya hangika ya fikama.
Nakufya oye Mariana Likuwa novakwapata vaye ova shiivifilwa nale.
Omushingi ina mangwa po nomakonakono ee li metifa ku monike ngee okwa li ngaa e na omukanda wokushinga pefimbo loshiningwanima.
Olutu lanakufya okwa li la twalwa kokila yoshipangelo shaRundu li ka konakonwe.
Kanyetu okwa londwela kutya opate yoTrans-Caprivi Highway pokati koNdama naTuhingireni natango oi li ya nyika oshiponga neenghono kovaendi vokolupadi shaashi oi na omaumbo keembinga adishe.
Okwa indila ovashingi vomatuwa va kale alushe va tonata.
–NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
