Ounona vahetatu natango inava monika konima omalume a homata a ponokela onhele oyo ya idilila eefiye moKogi moNigeria ndee taa kwata po ounona ve li o-23 ombabyona, opolifi tai ti.
Omunambelewa womauyelele moKigo Kingsley Fanwo okwa ti ounona ve o-15 okwa li va xupifwa “konima yokashava” komahangano okukwatela po oveta.
Eponokelo olo la ningwa Oshoondaxa ola twaalela yoo namwene wonhele ei ya indilila eefiye, osho a weda po ngaho.
Kapu na nande omunhu a mangwa po mekwatafano noshiningwanima eshi, ashike opolifi oya ti oshilando oshi na omatanga oBoko Haram, nomwa kala tamu linyenge oimbuluma ya yooloka.
Nigeria ota mono yoo oixuna koningwanima yomakwatombabyona meenhele dihapu doshilongo.
Omatanga ovafufi taa kwata po ovanhu nokupula a pewe oshimaliwa opo e va mangulule. Epangelo ola futa onduba yoimaliwa shihe li paveta ashike eshi natango inashi kaleka onghalo yomakwatepombabyona.
“Epangelo natango ole litula mo mokukwashilipaleka okuxupifa oonakuningwa oihakanwa,” Fanwo ta ti.
Omukanda waye Omaandaxa natango owa popya kutya eumbo leefiye okwa li “tali longo shihe li paveta” monhele ya nyika oixwa.
Nomahangano okukaleka po oveta kakwa li e li shii.
Fanwo okwa indila ovo tava file eefiye oshisho, eefikola nomahangano haa longo oilonga ya faafana opo alushe a longele kumwe nomahangano epangelo omondjila “unene ngaa eshi eameno li li moshiponga paife”.
Omakwatepombabyo ahapu meefikola kee shi ape moNigeria, unene koitopolwa yokonooli yoshilongo oyo iha di oimbuluma paife neenghono. Eshi oshikando shotete eumbo leefiye la ponokelwa.
MuNovemba 2025, ovalihongi ve dulifa po300 novahongi vavo okwa li va kwatwa po ombabyona okudja mofikola yedina Catholic Secondary School moNiger State, konooli yopokati yaNigeria.
Okwa li va efiwa meengudu mbali, nongudu yaxuuninwa oya efwa konima yomwedi.
Epangelo ole likala kutya inali futa oshimaliwa, nomapopyo kutya eekomanda mbali doBoko Haram oda mangululwa ongombinga yeeudafano lokumangulula oonakuninga oihakanwa.
– BBC
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
