Presidente wehangano lomalelo eedoolopa moshilongo ledina Association for Local Authorities in Namibia (Nalao), Moses Matyayi okwa pula ovanambelewa vomalelo eedoolopa va pulwe va kalela po oinima pamukalo wopauyi nowopauyalele.
Ashike inau kala wa nyika omatilifo nomalidopemo opapolitika.
Eshi kwa li ta popi koshoongalele shehangano kOngwediva Etitatu, Matyayi okwa popya efimano lokupitika ovanambelewa va longe oilonga yavo paumwene manga taku kwashilipalekwa elongo lopauyelele she likolelela komilandu domondjila.
“Ovanambelewa nava kalele po oinima pamukalo wopauyuki, wopauyelele nowe likolelela komilandu domondjila, ashike nashi wilikwe komilandu odo da tambulwa ko,” osho a ti ngaho.
Matyayi okwa popya kutya ehangano natango ole litula mo nokupopila oushili woilonga, ewiliko le lifikamena nomilandu delelo liwa momalelo eedoolopa.
Okwa tambula ko omikundu odo da taalela omalelo eedoolopa, unene ngaa mokuwilika oimaliwa.
Ashike okwa indila ovakufimbinga va ungaunge noyeetifi yoikumungu ei okudja komidi ponhele yokukala ashike va tala komadidiliko.
“Otu shi shii kutya omalelo eedooolopa inaa kala taa ningi nawa unene ngaa kombinga yoshimaliwa, ashike otwa pumbwa okukonakona oyeetifi.
Oshike naana lela tashi eta omaupyakadi aa”?” osho a pula ngaho.
Matyayi okwa twikila nokupopya kombinga yomaupyakadi mokunana nokwaalula ovanailonga ve na eewino momalelo eedoolopa.
Okwa ti kutya vahapu ove na ohokwe yokulongela oikondo yopaumwene molweenghalo doilonga di li xwepo nokuningwa nawa.
“Ohatu longo noudjuu okunana ovanailonga ve na owino va longe momalelo eedoolopa pakuyelakanifa noshikondo shopaumwene.
Ouyelele nomakwatafano kombinga yoilonga owa fimana ndee itatu dulu okukala inatu u popya,” osho a weda po ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
