Ofamili yapresidente mukulu waZambia Edgar Lungu, oo a fila moSouth Africa odula ya dja ko muJuni ndee natango ina fudikwa, oya anya omapopyo oo taa ti okwa li a pewa oudiyo.
Opolifi yaSouth Africa nayo oya hala okukufa ko olutu laye i ninge omakonakono ayo, ofamili yomunapolitika osho ya ti ngaho.
Momukanda wa shangelwa opolifi, wa monika koBBC, eehaende davo oda ti ofamili otai longele kumwe “noihokolola yoimbuluma”, ashike oya dama kutya “omafeekelo kee fi oshi li nokee na oumbangi wa wana u shii oku lineekelwa”.
Oyo onghundana yaxuuninwa ei kombinga yolutu laLungu, olo natango li li mokila moSouth Africa notali kondjelwa paveta kofamili nepangelo laZambia kutya otali fudikwa peni.
Opolifi yaSouth Africa oya anya okutya sha kombinga yomukanda wa tumwa okudja kehangano lopaveta moJohannesburg ledina Mashele Attorneys, olo la kalela po ofamili yaLungu.
Omupopiliko wopolifi Brig Athlenda Mathe okwa lombwela oBBC: “Eshi oshinima shi lulumika neenghono itashi dulu okukundafanwa pandodo ei.”
Lungu okwa xulifa koudu uhe shiivike pepupi lomido 68 mokilinika moshilando shaSouth Africa, Pretoria.
Okwa lela Zambia okudja momudo 2015 fiyo 2021, eshi a kanifa omahoololo eshi a dengwa mo kupresidente Hakainde Hichilema nomawi ahapu neenghono.
Epangelo laZambia ola hala olutu laLungu li tumwe koshilongo ndee ta ningilwa efudiko papangelo nomhngu yaSouth Africa oya ninga etokolo tali popile oshinima eshi.
Ashike ofamili yaLungu oya hala efudiko lopaumwene moSouth Africa shaashi otai ti presidente mukulu kakwa li a hala Hichilema a holoke pefudiko laye. Inapa kala pu na ekwatafano li li nawa pokati keepresidente edi mbali.
Momukanda wa shangelwa opolifi yaSouth Africa, momafiku 11 Febuluali 2026, Mashele Attorneys okwa koleka kutya ponhele yofamili yaLungu oya kala “nokuliufa komalombwelo atano okuya komhangu” shi na sha nomakonakono oimbuluma kombinga yomapopyo kutya presidente mukulu waZmbia okwa li a pewa oudiyo,” omukanda osho wa ti ngaho.
Neo, Mashele, a dja koMashele Attorneys, okwa lombwela oBBC kutya omakonakono opolifi otaa monika a fa a dja “momapopyo oshiwana” kombinga yomafeekelop okupewa oudiyo a ningwa komonakado umwe waLungu oo aha li “oshili nandenande”.
Momukanda, Mashele Attorneys natango okwa holola elimbililo kombinga yelombwelo limwe lokuya komhangu ta ti la yandjwa kopolifi kehangano olo li na olutu laLungu.
Ola ti okwa li pu na omalombwelo avali okomhngu kutya “olutu nali kale nehangano ledina Two Mountains Funeral Services fiyo oihokolola yopaveta ya manifwa”. “Omalombwelo oo oopaveta notaa longo natAngo,” omukanda osho wa ti ngaho.
Omunambelewa okudja kokila oko kwatuvikilwa omudimba okwa lombwela oBBC kutya olutu laLundu okwa li li li meameno la kwata moiti keshe efiku.
Mrs Lungu okwa kala moSouth Africa okudja pefyo lomushamane waye nota kwatela komesho eenghendaba dopaveta opo a fudikwe moSouth Africa,
Oshivike sha dja okwa ninga eindilo komhngu ya shiya ko moBloemfontein i talulule etokolo eli la ningwa tete kutya omushamane waye na ka fudikwe keumbo.
-BBC
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
