Museveni ota vulu okusindana

K AMPALA – Onkundana okuzilila ku Kampala sha Uganda otayi ti kutya Omupresidende Yoweri Museveni, otashi vulika a ka gwedhe ko oomvula ntano kokula kwe koshipundi shUupresidende nena.

A li nale e holike kiilongo yAaEuropa, ihe ngashiingeyi kayi mu hole we sho a ningi oomvula 20 koshipundi shuupresidende, Museveni otashi vulika aniwa a ka sindane nomawi goopelesenda omilongo ntano. Omukondjithi gwe omunene omusamane oye Kizza Besingye.Museveni, ngoka a li a ningi orebele uule woomvula ntano shoka she mu eta koshipundi shUupresidende momumvo 1986, ota popi kutya ye oye awike ta vulu okukalekapo ombili nonkalonawa moshilongo shika, moka sha li nale sha tuulwa kOokayamukulwa ngashi Idi Amin nokukundukithwa komakuyunguto gopiishiindalongo.Okwa ti Epangelo lye olya eta po iinima yi li nawa, ngashi ekoko meliko nelongo lyopetameko ihali futwa.Ihe Bessingye (gwoomvula 49) gwongundu yompilameno ya Forum for Democratic Change (FDC) okwa ti omuhona gwe nguka omukulu, okwi ininga Kayamukulwa ye mwene nokwa hala ashike okukala koshipundi.AaUganda yamwe otaya tsu kumwe nomapopyo ngaka ga Bessingye.Pamayalulo gopetameko giizemo yomahogololo ngaka, ongundu ya Bessigye oya mono omawi goopelesenda 36 omanga ya Museveni yo National Resistance Movement (NRM) ya mono 47.Nande ongaaka, aatseyinawa miikwapolitika otaya ti kutya iizemo mbika oya zi unene koondoolopa hoka Bessigye e na aayambidhidhi oyendji, shoka tashi ti nee kutya Museveni otashi vulika a ka sindane nomawi ogendji noonkondo.- Nampa-ReutersOmukondjithi gwe omunene omusamane oye Kizza Besingye.Museveni, ngoka a li a ningi orebele uule woomvula ntano shoka she mu eta koshipundi shUupresidende momumvo 1986, ota popi kutya ye oye awike ta vulu okukalekapo ombili nonkalonawa moshilongo shika, moka sha li nale sha tuulwa kOokayamukulwa ngashi Idi Amin nokukundukithwa komakuyunguto gopiishiindalongo.Okwa ti Epangelo lye olya eta po iinima yi li nawa, ngashi ekoko meliko nelongo lyopetameko ihali futwa.Ihe Bessingye (gwoomvula 49) gwongundu yompilameno ya Forum for Democratic Change (FDC) okwa ti omuhona gwe nguka omukulu, okwi ininga Kayamukulwa ye mwene nokwa hala ashike okukala koshipundi.AaUganda yamwe otaya tsu kumwe nomapopyo ngaka ga Bessingye.Pamayalulo gopetameko giizemo yomahogololo ngaka, ongundu ya Bessigye oya mono omawi goopelesenda 36 omanga ya Museveni yo National Resistance Movement (NRM) ya mono 47.Nande ongaaka, aatseyinawa miikwapolitika otaya ti kutya iizemo mbika oya zi unene koondoolopa hoka Bessigye e na aayambidhidhi oyendji, shoka tashi ti nee kutya Museveni otashi vulika a ka sindane nomawi ogendji noonkondo.- Nampa-Reuters