Opolifi yaNamibia oya didilika ominyeka da yoloka mOvenduka mexuliloshivike.
MoKlein Windhoek, otaku tiwa vati ovafeekelwa ve li vatano okwa li va hangika ve na eshina lokulunga omunoko taku feekelwa kutya ola vakwa longushu yoshimaliwa shi fike poN$45 000, konima kwa li va monika kopolifi oyo kwa li tai patolola Olomakaya.
Otaku tiwa vati ovalumenhu ve li vatatu ova faduka po, mangha ve li vavali va mangwa po neshina ove li kufwa.
Moshiningwanima sha yooloka monhele omo tuu omo lwomokati komutenya Etitano, otaku tiwa vati ovafeekelwa vehe shiivike ove liteyela moshihauto shanakutula mo oshipofa va longifa oshinima shihe shiivike ndee tava vake mo oshikefa shoilongifo shongushu yoshimaliwa shi fike poN$18 800.
Kapu na nande omunhu a mangwa po ile oshinima sha monika po, nomakonakono opolifi otaa twikile.
Olomakaya lwopotundi 07h00 moixwa koCimbebasia, otaku tiwa vati ovalihomboli kwa li tava endifa mo eembwa davo ova hangika kovalumenhu ve li vatatu va homata ovo kwa li tava kendabala oku va nyeka oinima yavo.
Nakuningwa oshihakanwa umwe vati okwa kufa oshifufuta ndee ta umbu eeholo, odo da kuma omufeekelwa umwe, ndee ta xulifile ponhele opo tuu opo.
Ovakwapata vanakufya ova shiivifilwa nale. Kapu na nande omunhu a mangwa po, nomakonakono opolifi otaa twikile.
Oshiningwanima shimwe shomunyeka okwa li sha didilikwa Olomakya lwopotundi 11h30 poWernhill Park mOvenduka, omo taku tiwa vati oshihauto shopaumwene sheameno shi na ovanambelewa veameno ve li vanhe okwa li sha ponokelwa kovafeekelwa ve li vanhe va homata ova umba ovanambelewa veameno ovo kwa li ve li pokutwala oimaliwa pokaATM.
Otaku tiwa vati ovafeekelwa ova kufa ko eendjebo noshimaliwa kovanambelewa veameno mangha inava faduka po nokahauto kashona.
Kapu na nande omunhu a mangwa po ile oshinima sha monika.
Omakonakono opolifi otaa twikile.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
