Mtc okwa twala omayakulo opakafimbo kOkuryangava mOvenduka, nomafaneko ee li nale metifa okutunga ko onhele yomayakulo yaalushe ya teelelika i kale ya pwa pexulilo laSeptemba neudo.
Eshi otashi ningwa molwomumbwe yomayakulo kombinga oko.
Omayakulo aa opakafimbo otaa ka yandjwa oule weemwedi nhee mOkuryangava manga oilonga yonhele yaalushe tai manifwa.
Omunambelewakunhu waMTC e na sha noipambele yomakwatafano Tim Ekandjo, okwa ti onhele ei yopakafimbo okwa li ya totwa kukwashilipalekwe eyandjo lomayakulo tali twikile konhele oko, manga ehangano tali manifa omafaneko okutunga ko onhele yomayakulo yaalushe.
“Manga omafaneko onhele yaalushe e li metifa kOkuryangava, otwa mona kutya otwa pumbwa okukala tu li monhele omo tu kwashilipaleke kutya ovanhu otava mono omayakulo etu, manga hatu manifa omafaneko onhele yaalushe,” Ekandjo ta ti.
Okwa ti oshinima eshi osha etwa komumbwe yomayakulo omakwatafano opamhepo mOvenduka.
She likolelela kuEkandjo, mOvenduka paife omu na ovanhu ve li 537 000 nokwatengenekwa kutya omwaalu ou otau kala nokuya pombada novanhu ve li 17 600 komudo.
“Eenomola edi kadi shii ashike omivalu, ashike otadi holola yoo omwaalu wovayakulwa tau i pombada moKatutura omo mu hadi unene,” osho a ti ngaho.
“Molwoshinima eshi, okutota omayakulo oludi eli otaku lalakanene okweeta omayakulo a pumbiwa unene omakwatafano opamhepo popepi noshiwana, okuxwepopeka okumona omayakulo, okuyakulwa pefimbo notaku vatele okufitika omwaka womayakulo konhele oko ku yadi”
-THE BRIEF
