Etokolo laminista womayambulepo eedoolopa noitopolwa yokomikunda James Sankwasa lokukufa kamusela wokOmuthiya moilonga ola eta eemhata kombinga yeekamusela tadi longele kondje yoikandjohoololo yado.
Omido nhatu dapita, omuleli wongudu yoPopular Democratic Movement McHenry Venaani okwa ti eekamusela di dule po40 ohadi longele kondje yoikandjohoololo yado.
Oshinima eshi otashi monika sha fa tashi twikile, nande oveta otai ti kutya eekamusela domalelo eedoolopa nadi dje mo mombelewa ngee ode ke lihanga dihe li vali moitopolwa omo da hoololelwa.
Konima yoivike yeenghundafana, Sankwasa okwa kufa moilonga kamusela wokOmuthiya Johannes Ndeutepo oshivike sha dja ko konima a uda kutya omunapolitika ou iha di mOmuthiya.
Ndeutepo, omuleli wongudu yoSwapo koodoolopa oko, okwa tembukila kOvenduka muJuni odula ya dja ko konima eshi kwa li a mona ko oilonga imwe.
Ashike vati okwa twikila ashike okukala kamusela nokumona omauwa.
Okwa li yoo e li mokomitiye yewiliko oyo hai kwatele elelo komesho.
Omuunganeki woSwapo koshitopolwahoololo shaaShikoto, Armas Amukwiyu, okwa ti, elelo longudu moshitopolwahoololo ola yandja omayele kelelodoolopa laMuthiya opo li pingene po mayola ongokamusela, ashike elelodoolopa inali shi ninga.
Amukwiyu Oshoondaxa okwa ti ongudu okwa li ya ninga oshoongalele nelelodoolopa konima ya uda kutya mayola mukulu Ndeutepo okwa tembukila kOvenduka okudja kOmuthiya.
Eshi a pulwa ngee ongudu otai katukile Ndeutepo nelelodoolopa onghatu, Amukwiyu okwa ti: “Oshikumungu shomeni. Itandi dulu okuyandja ouyelele kombinga yaasho ongudu tai dilaadila okuninga po.
Ashike nande ongaho okwa li twa puala elelodoolopa opo li ninge oshinima osho shi li mondjila ndee tali pingene po Ndeutepo ongokamusela. Oshinima osho kwa li inashi ningwa. Diva ohatu ka popya kutya oshike shi na okuningwa po.”
Ovanamibia ova teelelika va ka hoolole eekamusela davo dipe pexulilo lomudo ou.
Sankwasa Olomakaya okwa li a lombwela oThe Namibia kutya elelolodoolopa laMuthiya ola futila Ndeutepo olweendo a ka tale omaudano okodula omalelelodoolopa a ningilwa koKatima Mulilo mafiku aa.
“Oshinima eshi kakwa li sha pumbwa okupitikwa. Oulingilingi nokwa li sha ningwa komunambelewa pitifi pakulandula omalombwelo amayola wopaife,” Sankwasa osho a ti ngaho.
Momudo 2023, Ndeutepo okwa li a lundilwa keekamusela nhatu dongudu yoIndependente Patriots for Change kodoolopa oko kutya okwe di tula pedu diha ye moyoongalele yelelodoolopa.
Etulopedu moilonga lavo leemwedi 11 okwa li ashike la xula eshi Ndeutepo a tembukila kOvenduka odula ya dja ko muJuni.
KONDJE YOSHIKANDJO
New Era konima yomido nhatu okwa lopotele kutya Venaani okwa ti opu na eekamusela di dule po30 konooli yaNamibia odo ihadi di moikandjohoololo oyo hadi kwatele komesho.
Oshinima eshi okwa li e shi popya konima yeemhata dakamusela woshiokandjohoololo shaKatutura Central Vezemba Katjaimo.
Okwa ti Katjaimo haye aeke kemusela hadi kondje yoshikandjohoololo shaye.
“Oveta itai shi popile. Ashike oveta nai yambulwe po. Opu na eekamusela di li lwopo35 mOwambo odo hadi wilike oikandjohoololo ashike ha mo di li,” Osho a tile ngaho.
Eemhata deekamusela di li kondje yoikandjo yado oda kala ko pule weedula omilongo.
Mayola waNdangwa Paavo Amwele oku li moshitopolwahoololo shaShikoto omanga e li natango mayola wOndangwa i li moshitopolwahoololo shaShana.
Eshi a dengelwa a tye sha Oshoondaxa, Amwele okwa pula oThe Namibian kutya oshike opo ashike tai pula oshinima eshi paife yee okwa kala oule weedula di dule pomulongo ehe li modoolopa omo.
“Ondi na eengeshefa kOndangwa ndee ongeshefa oya fa eumbo lange. Oto pula shaashi ihandi nangala oko?” Osho a pula ngaho.
Amwele okwa ti ota dulu okukala kamusela mOndangwa shaashi oha futu omayakulo amuni modoolopa omo. Okwa ti, eshi oshinima shimwe osho she mu ninga a dule okukala kamusela.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
