ESHI Andreas (40) naAili (35) Amutoko va taokola va hombole mu Oktoba, ova lihomboli ava kakwa li fa vaneka okulongifa oshimaliwa shi fike poN$117 000 mohango yavo.
Eshi va yuka popepi nefiku la fimana, ovalihomboli ava ova kala itava kofa eshi oikutu yavo yohango nofei kwa li inai pwa novahondji kakwa li tava nyamukula eengodi davo.
“Eshi kwa li hatu dengele ovahondji okwa ashike tava ti oikutu opi li pokupwa ashike kakwa li pu nande oshinima osho tashi koleke ile nokuli omafimbo amwe itava nyamukula eengodi detu,” Andreas osho a lombwela oThe Namibian manga ta dimbuluka nghee ohango yaye oyo kwa li a hala idjuu.
Ookaume ava ova tameka okwoongelela ohango yavo pexulilo lomudo 2022.
Andreas okwa fatulula kutya kakwa li va teelela okulongifa oshimaliwa shi fike opo nande ovakwapata okwa li ngaa va yambidida.
Oinima yohango oyo kwa li i na ondilo unene okwa li eetenda di li mbali dohango odo kwa li da longifwa keumbo lomumati nokeumbo lokakadona da kosha oshimaliwa shi fike lwopoN$53 000.
“Kakwa li twa teelela okulongi shihapu, ashike omayambidido okudja kofamili ee tu vatela,” osho a ti ngaho.
Andreas okwa ti okwa yoo va longifa oshimaliwa shi fike poN$25 500 va lande eengobe nhatu odo di li oshinima sha fimana mokutyapula ohango.
Ashike nee, oavalihombili ava ova longifa oshimaliwa shike lwopoN$41 500 moikulya nomikunwa noshimaliwa shi fike poN$14 500 momufaneki opo a faneke ohango yavo.
OHANGO YOKUMAGESTRATA
Toini (31) naTrevor (36) McLari okwa li va tokola va ye nokuhombola kumagestrata muJuni omanga kwa tava ongelele ohango yondjodi yavo modula tai ya.
Toini okwa dimbuluka nghee etokolo elikwa li la eta ehandu mokati kovadali keembinga deefamili adishe.
“Ovadali tete okwa li ve li ominge nasho, ove ke ya ngaa nee ndee hatu itavele okuninga oshivilo konima,” osho a ti ngaho.
Ofamili oya ka twa ngaa nee kumwe pokati opo ndee tai tokola okuninga oshivilo konima yohango yavo yoshimaliwa shi fike poN$30 komhngu yamagestrata.
Ovalihomboli ava okwa li va pewa oshimaliwa shi fike poN$7 000 okudja kovakwapata vavo va ninge oshivilo shohango.
Ovalihomboli ava vomOvenduka okwa li va hiila oshaala, nokwa li va hondjifa oshikutu koshimaliwa shi fike poN$800, ondede koN$1 200 nokaume kavo umwe okwa li e va ningila oikuki itatu yohango.
OTO DULU OKUNINGA OHANGO YOYE KOMBILIXA
“Oto dulu okuninga ohango yondjopdo yoye koshimaliwa shi fike ashike poN$50 000, ile shishona nokuli oshe likolelela ashike komutengenekwafaneko woye.”
Ei oitya yomulongekidi weehango womOvenduka Pamela Nangombe wehangano ledina Tauphi Design oyo ha lombwele ovayakulwa vaye luhapu ovo vehe na oimaliwa ya wana.
Eehango dondilo otaku tiwa oda twika ovalumenhu omikundu konima ya Dimbulukeni Vaino kwa li a lopotwa e likufa omwenyo Oshoondaxa ongula mefiku lomaingido ohango yaye.
Momudo 2022 omupopiliko wopolifi inspkta Elifas Kuwinga okwa li a koleka elikufomwenyo laItembu (43) oo kwa li a faneka a hombole ashike malilongekido ohango otaku tiwa kakwa li taa ende nawa.
Momudo omu tuu omo, Petrus Nanyeovanhu (41) okwa lopotwa e likufa omwenyo konima yeevili dishona manga kwa li ta ka hombola komukunda wedina Onakatambili moshitopolwahoololo shaShana mEtitano.
Momudo 2023, omukalimo womOshakati Matheus Lilongeni (43) naye okwa li taku feekelwa e likufa omwenyo mefiku omo kwa li e na oku ka hombola komukunda u li moshitopolwahoololo shaMusati.
Mumwaina waVaino Michael Amushelelo okwa ti ovalumenhu ohava kala moundjuu opo va hafife ovafuko vavo nofamili nokuninga ohango yondilo.
“Ovalumenhu oishitwa yongaho, ohatu dulu okuhombolela koshi yonhopa ile yomuti, ashike omukundu ohau uya po ngee twa hala okuudifa nawa ovafuko vetu,” osho a ti ngaho.
Ovanhu otava dulu okuhombola kumagestrata koshimaliwa shi fike poN$30 ashike ova hala ashike okukala ve na eehngo dondilo.
Ashike nande ongaho Amushelelo okwa ti shaashi kapu na okambapila ka fiwa po kunakufya, efyo laVaino itali dulu ku tiwe ola etwa komikundu doshimaliwa ashike okoupyakadi ashike wondjolowele wopamadilaadilo.
Vaino oo a li inspkta akula kombelewa yopolifi yakula, koshikondo shomakwatafano, ina fiya po nane omukanda u na ouyelele kombinga yefyo laye, osho sha fiya keshe umwe mengwangwano.
Ephraim Weyulu wokelelo lopamufyuululwakalo laUkwanyama koshikandjo shEenhana okwa ti ovanhu ova kanifa omufyuululwakalo ndee paiofe ova hala ashike okuninga oinima yoilumbu.
“Nale okwa li twa fimaneka omufyuululwakalo, ovanhu inava hala okuninga oinima pamufyuululwakalo. Nale noho omulumenhu nomukainhu okwa li hava shiivifwa okupitila meefamili davo.
Oinima ishe kombinga yohandonokwa li hai ningwa pamalongekido ovadali. Natu shuneni komukalo wetu wopamufyuululwakalo wokuninga oinima,” Weyulu osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
