A ANIILONGA yatatu mboka ya li haya longele mehangano lyedhina Women’s Action for Development (WAD) oya li ya dhitikwa nokutulwa miipandeko mehuliloshiwike lya zi ko poRehoboth nokuningilwa oshipotha shuufuthi wiilongitho yontumba pOsenda yehangano ndika yopoRehoboth.
Wilma Maasdorp gwoomvula 49, Elizabeth Egelser gwoomvula 46 na Mary Ann Beukes naye gwoomvula 49 mboka ayehe ya longela WAD oomvula odhindji oya dhitikwa mOlyomakaya ga zi ko. Mbaka yatatu oya li nee ya pewa obooloha yoondola omathele gahamano (N$600) pethimbo ya holoka lwotango mOmpangu ya Mengestrata mOmaandaha.Aakiintu mbaka oya taalela iipotha iyali yuufuthi, Omugandjimulombo gwOpolisi Kauna Shikwambi ta popi ngaka mEtiyali lyoshiwike shika.Oshipotha shawo shotango, osha li sha lopotwa kOpolisi mu Novemba gwa zi ko, omanga oshitiyali sha lopotwa omwedhi nguka.Pahokololo lyOpolisi, aniwa aakiintu mbaka otaya tamanekelwa okuya omashina gookompiuta, omatalashe, iilongitho yilwe yomokombitha nosho wo tuu okuza mOsenda ndjika.Gumwe gwomaafekelwa mboka okwa li aniwa a adhika e na iinima yimwe nokwa zimine wo kutya oye a yaka po iinima mbyoka noshimaliwa shoondola omathele gahetatu (N$800).Oshipotha shaakiintu mbaka osha li sha undulilwa komasiku 18 ga Maalitsa opo ya mone ompito yokukala naanavetakalelipo moshipotha shawo.Sho The Namibian a popi naakiintu mboka, oya ekelehi nokwiipatana kutya oya yaka iilongitho mbyoka.Taya popi ngeyi kutya iinima yimwe oye yi landa omanga yimwe ye yi indila ye keyi longithe nokuyi galula – sha ningwa mekwatathano nomuwiliki gwopashitopolwa mOsenda ndjoka.Omukuluntuwiliki gwaWAD meme Veronika de Klerk okwa ekelehi omapopyo kutya aantu mboka iinima oye yi kutha mo mOsenda papitikilo lyomunambelwa gwaahoka.”Otaya vulu okukala ya geya ngaashi ya hala, ashike shoka shi li mondjila osho owala shoka kutya ombelewa onene inayi ya pa epitikilo lyokukutha mo iilongitho mbyoka mOsenda,” De Klerk ta lombwele ngaaka The Namibian.Mbaka yatatu oya li nee ya pewa obooloha yoondola omathele gahamano (N$600) pethimbo ya holoka lwotango mOmpangu ya Mengestrata mOmaandaha.Aakiintu mbaka oya taalela iipotha iyali yuufuthi, Omugandjimulombo gwOpolisi Kauna Shikwambi ta popi ngaka mEtiyali lyoshiwike shika.Oshipotha shawo shotango, osha li sha lopotwa kOpolisi mu Novemba gwa zi ko, omanga oshitiyali sha lopotwa omwedhi nguka.Pahokololo lyOpolisi, aniwa aakiintu mbaka otaya tamanekelwa okuya omashina gookompiuta, omatalashe, iilongitho yilwe yomokombitha nosho wo tuu okuza mOsenda ndjika.Gumwe gwomaafekelwa mboka okwa li aniwa a adhika e na iinima yimwe nokwa zimine wo kutya oye a yaka po iinima mbyoka noshimaliwa shoondola omathele gahetatu (N$800).Oshipotha shaakiintu mbaka osha li sha undulilwa komasiku 18 ga Maalitsa opo ya mone ompito yokukala naanavetakalelipo moshipotha shawo.Sho The Namibian a popi naakiintu mboka, oya ekelehi nokwiipatana kutya oya yaka iilongitho mbyoka.Taya popi ngeyi kutya iinima yimwe oye yi landa omanga yimwe ye yi indila ye keyi longithe nokuyi galula – sha ningwa mekwatathano nomuwiliki gwopashitopolwa mOsenda ndjoka.Omukuluntuwiliki gwaWAD meme Veronika de Klerk okwa ekelehi omapopyo kutya aantu mboka iinima oye yi kutha mo mOsenda papitikilo lyomunambelwa gwaahoka.”Otaya vulu okukala ya geya ngaashi ya hala, ashike shoka shi li mondjila osho owala shoka kutya ombelewa onene inayi ya pa epitikilo lyokukutha mo iilongitho mbyoka mOsenda,” De Klerk ta lombwele ngaaka The Namibian.
