Oministili youndjolowele nomayakulo opangahalafanao oya didilika ovanhu ve li 8 760 va kwatwa komalaria nomafyo e li 11 konooli noikoipolwa imwe moshilongo.
Oministili oya ti pakuyelakanifa nomudo wa dja ko pefimbo la faafana oshinima eshi oshi li eyopombada loudu ou neepelesenda 68.
“Oministili youndjolowele nomayakulo opanghalafano oya didilika oipangelo i li 20 omo mwa monima oudu ou u li pombada neenghono,” minista woundjolowele Esperance Luvindao osho a shiivifa ngaho Omaandaxa.
Okwa monika oudu ou moitopolwahoololo i li omuwoi: Okavango Ushilo (Andara, Ngangana, Rundu), Kavango Uninginino (Ncamagoro, Nkurenkuru), Ohangwena (Eenhana, Engela, Okongo), Oshikoto (Tsumeb, Omuthiya), Oshana (Oshakati), Omusati (Tsandi, Outapi, Okahao, Oshikuku), Kunene (Opuwo), Otjozondjupa (Grootfontein, Otjiwarongo) noZambezi (Katima Mulilo) oyo oitopolwahoololo omo mwa didilikwa omalaria.
Katima Mulilo oye a dengwa unene (eepelesenda 17) nOutapi (neepelesenda 15).
Minista okwa dimbukifa oshiwana shi longife okuliamena kwopaumwene ngaashi omiti dokudipaya eemwe neenete nokuwapaleka opo pu na omeva a fikama akaka puha dalele eemwe.
Oministili natango otai pombele momaumbo nokuyandja eenete deemwe keenhele odo da kumwa, omukanda osho wa ti ngaho.
“Eshi hatu longo pamuhanga tu kelele malaria ahaa ndjakane, natu kaleni twa tonata nokufimaneka oinima aishe oyo tai amene oundjolowele wetu nonghalonawa yoshiwana,” Luvindao osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
