Ehangano loSwapo nehangano lomayambulepo oikwafabulika laNamibia ledina Namibia Industrial Development Agency (Nida) otaku tiwa vati aa kwatakanifwa nokondalaka i na oshimaliwa shi dulife peebiliyona N$3 yokutunga nokulonga oshitaashi shoulandifa mahooli noshimoko koLuderitz.
Ehangano, Guinas Invstments, omido twa dja okwa li la yandja oshimaliwa ketungo lombelewa yakula yoSwapo olo la tungwa koshimaliwa shi li lwopobiliyona imwe.
Ouyelele kombinga yotendela ei yokoLudelitz owe ya konima Okabinete momafiku 08 Juli kwa li ka dimina Namibian Ports Authority (Namport) a longele kumwe nehangano laAngola ledina Sonangol Intergrated Logistics Services moproyeka oyo tuu ei kOmbaye.
Ekwatafano loSwapo ole ya konima Namport a ningulula eshiivifo loproyeka yokoLuderitz Etitano.
Guinas Investments okwa li a ya koNamport odula ya dja ko opo a holole ohokwe yavo yokulonga oshitaasshi shokulandifa omahooli noshimoko ashike eindilo lavo kakwa li la tambulwa ko.
“Otwa tala eindilo leni ndee mangha hatu tambula ko nokupandula oshinima eshi shiwa, onda hala okuyeleka kutya omhito keshe yokulongela kumwe naNamport ohai ningwa pamulandu wekufombinga wa manguluka,” omukulunhuwiliki waNamport Andrew Kanime osho a ti ngaho momukanda wa nyolwa muFebuluali.
Okwa weda po: “Eshi otashi kwashilipaleke okuliufa keeveta dokukonga opipumbiwa, tashi kaleke po eemhango di li xwepo nokuyambula po ondodo yopomba yelongo lopauyelele ngaashi sha teelelwa okuningwa komahangano epangelo ngaashi Namport.”
Kanime okwa ti omahangano akwao oo kwa li eya koNamport kombinga yoproyeka ei nao okwa lombwelwa nokuyelifilwa oshinima eshi. “Ohatu ka pula ovanhu va kufe ombinga pauyelele opo tu mone ou hatu longele kumwe naye,” Kanime osho a ti ngaho muFebuluali.
Namport okudja opo okwa ya komesho nokushiivifa otendela moifokundaneki nokomalungula momafiku 13 Auguste ashike okwa li e i ningulula konima yomafiku avali.
Namport ota lundilwa kutya ote liumbatele ovanhu shihe fike pamwe eshi aanya okulonga naGuinas Investments omangha ta kendabala okulongela kumwe naSonangol Integrated Logistics Services.
Kanime epulo eli ine li nyamukula nande eshi a pulwa koThe Namibian.
The Namibian okwa uda kutya ovanambelewa vamwe vongudu yoSwapo kakwa li va hafela Namport eshi aanya okulongela kumwe nehangano loGuinas Investments muFebuluali mangha ta tameke okulongela kumwe naSonangol Integrated Logistics Services muJuni.
OSHOONGALELE SHAMINISTA
The Namibian okwa uda kutya minista woilonga noyeendifo Veikko Nekundi okwa li a ifana oshoongalele nelelo laNamport oko Kanime kwa li a holoka oshivike sha dja ko.
“Namport ehangano hali liwilike loovene nohali tula moilonga eeproyeka di li mouwa wehangano noshilongo. Ashike nee, oikumungu yeameno lopashiwana keshe ewiliko lokondje ola pumbiwa keshe moilonga yehangano.
Ngee oinima ei oya danenwa, ongoministili yoipambele yoinima ei, ondi na oshinakuwanifa shokuholola omalimbililo oo,” Nekundi osho a lombwela oThe Namibian ngaho Oshoondaxa.
Ewiliko lopombada lehangano eli hali wilike omatuliloshikepa okwa li vati la lombwelwa li ningulule otendela ndee tali kwatele mo Nida va longele kumwe.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
