Minista womayambulepo eedoolopa noitopolwa yokomikunda Jasmes Sankwasa okwa pula a pewe omanyamukulo kewilikongudu laStampriet kombinga yomhito yomukulunhuwiliki ya kala ihe na omunhu oule womido nhee.
Sankwasa okwa li a taalela po ombelewa yangoloneya woshitopolwahoololo shaHardap koMariental Etitano, oko a holola omalimbililo aye kombinga yeekamusela tadi li dopo moikumungu yopambelewa.
“Omido nhee muhe na omukulunhuwiliki? Opu na oshinima sha puka newilikongudu laStampriet.
Omwa kala unene mwa kwatelwa moilonga yopambelewa shinene, mekongo loipumbiwa nomokukuta ovanhu.
Kandi shi kutya eshi ohamu shi wapaleke ngahelipi. Onda hala okumona omhito ei ya ya omunhu,’ Sankwasa osho a ti ngaho.
Okwa pula opo a mone olopota pauyadi kombinga yoshikumungu eshi i tuminwe kombelewa yaye kewilikongudu lodoolopa neshiivifo lomhito yoilonha ei ihe na omunhu.
“Otwa ninga omilandu odo da pumbwa okuningwa. Otwa ninga eenghendaba dokuulika.
Okwa tu na omukulunhuwiliki ashike okwe tu fiya po a ya koilonga imwe.
Otwa ya yoo komesho nomulandu ndee ongudu tai holola kutya oya hala okandidate ke lipipo ashike inaka nyamukula,” omunashipundi wewilikongudu loStampriet Elretha Kamutindi osho a ti ngaho.
Sankwasa okwa ti kutya ota ka tuma ovavaluli vomeni kewilikongudu laStapriet opo va ka ninge omavalululo opashimaliwa.
Oshoongalele eshi okwa li yo sha holoka ngoloneya Riaan McNab nomunashipundi wewilikongudu loshitopolwahoololo shaHardap Gershon Dausab.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
