Skorpion zinc ota li landwapo kuyalwe

EHANGANO lyAnglo American ota li landitha po omina yalyo yozinc muumbugantu waNamibia. Elandithopo ndika ita li ka guma iilonga yomina ndjika.

Pankundana ota ku tiwa Skorpion Zinc olyo ehangano limwe lili momusholondondo gwomaliko ga Anglo American ngoka taga landithwapo.Iilonga ayihe yehangano lyaSkorpion otayi landithwapo nombala ota li ka kala kohi ya mwene omupe. Omuwiliki gwa Skorpion Zinc, Dave Bentley osho a lombwele oPana ngaaka.Ehangano moshitopolwa shiikwamina olya tseyithile oshiwike sha yi kutya ota li ka landithapo iitopolwa yimwe mbyoka ina yi simana mokuli etela oshimaliwa. Mbika oya kwatelamo oomina adhihe dhozinc noshowo iilonga yimwe miilongo yilwe.Anglo okwa ti ngashingeyi ota ka longa ashike a tala miilonga mbyoka oyo ta yi mweetele oshimaliwa ngaashi, oplatinum ndjoka hayi fulwa moSouth Africa, ongopolo ndjoka hayi fulwa koChile,nickel ndjoka yina oomina moBrazil, omakalamanya moAustralia nomakalamanya gokulongitha olusheno moSouth Africa. Nosho nee iitenda oku za koBrazil.Iilongomwa mbyoka kaayina oshilonga oshinene naambyoka ta yi ka landithwapo oya li ya etamo ooperesenda 11 kiiyemo yAnglo (oodola oobiliona yimwe 1,3 dhAmerika) omumvo gwaziko.Etokolo olya ningwa molwaashoka Anglo ina hala we okukala moshitopolwa shokufula ozinc, Bentley ta ti. ‘ Shika kashi nasha noSkorpion Zinc nenge niilonga ye moNamibia nenge nepangelo lya Namibia, ndele oshi na sha nozinc yoyene,’Bentley ta fatulula.Uuna ta yi longo shuudha omina ya Skorpion ohayi longo ootona dhozinc 150 000 komvula, ndjoka ha yi landithwa kuAmerika, Europa noshowo koSouth Africa.Omina ndjika yoshinanena ohayi longitha konyala etata lyolusheno lwa Namibia. Okushitalela mootona ndhoka hadhi longwa moka ota shi vulika nale pu na ehangano ndyoka lyahala okulanda omina ya Skorpion Zinc.Iilonga yokumina ozinc yAnglo oya thikama momina ya Skorpion moNamibia, omina ya Lisheen moIreland nomina ndjoka ooperesenda 74 po Black Mountain no projeka yaGamsberg moSouth Africa.Omulandi ta vulu okulanda po omina ndjika ota shi vulika a kale ehangano lya Exxaro Resources, ndyoka li na iipambuliko yooperesenda 26 momina ya Black Mountain/ Gamsberg. Ohite yomina ndjika ohayi hemuna ozinc ndjoka ha yi longwa koSkorpion.Ota pa thanekwa kutya Exxaro ota shi vulika woo naye a hala okwiikuthamo mokumina ozinc na ota shi vulika ya longele kumwe na Anglo opo ya landithe po oongeshefa ndhika ongokapandi. Opu na woo omafafayeko kutya BHP Billiton na Rio Tinto ita shi vulika ya lande po ehangano ndika lyozinc, ndele aanamina yopondje mboka ye na ekwatathano nomahangano ngaashi China Minmetals, Perilya kuume ka Zhonji, Xstrata na oshowo ohite yozinc yedhina Nyrstar ota shi vulika mbaka ya kale ye na ohokwe okulanda po oomina ndhika, nenge pamwe dhi landwe po komahangano omashona mokumina gaAustralia.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.