Elelo laVenduka ola ti otali ka tameka okwoongela eengunga dalo vene sha landula eshi okondalaka yalo nehangano lokwoongela eengunga ledina RedForce Debt Management ye ya pexulilo Etitano.
Momukanda wa shangwa Etitano, elelo loshilando ola ti itapa ka kala vali omupokati wokwoongela eengunga notali ka twikila nokwoongela eengunda dalo vene manga ewilikongudu tali tale kutya oshike shi na okuningwa po.
Ola ti otali twikile nokupula oishoshela yeepelesenda di fike po20 deengunga keshe komudo naikwao aishe oyo i na okufutwa.
“Ovayakulwa ovo ve na oiniwe yamuni inai futwa ndee ova hala okukundafana nghee ve na oku i futa otava va pulwa va ye koshikondo shokwoongela eengunga va ka tule po omaudafano,” omukanda tau ti.
Ovayakulwa ovo ve na eengunga otava indilwa ve uye ndee tava tula po eudafano lokufuta eengunga davo diva opo va yande okukatukilwa onghatu nokuwedelwa ko oishoshela keengunga davo.
Elelolo loshilando ola ti okwoongela eengunga oshinima sha fimana opo li dule okukala li na oshimaliwa nokukwashilipaleka kutya eyandjo lomayakulo otali twikile.
