Polytechnic na gandje ootundi dhuunangeshefa

WINDHOEK – Omulongi miiputudhilo yOpombanda mu South Afrika ngoka a li ta talelepo mu Namibia okwa popi kutya Polytechnic ya Namibia oya pumbwa okutula miilonga omukalo nenge tutye omuhingo ngoka tagu dheula Aanamibia opo ya ninge aanangeshefa yopaumwene nenge tutye aatoti yooproyeka, ihe yaa kale owala aakongi yiilonga.

Pethimbo a li ta tula poshitaafula iizemo noombapila dhe dhomakonakono moshigongi shomasiku gatatu okwa popi kutya Polytechnic na konge omuhingo gwokutala nokukonakona iilonga yaanasikola oohandimwe nenge tutye paumwene opo eya dheulile uunangeshefa peha lyokuya dheulila uumenindjela. Okwa thaneke pamadhiladhilo ge kutya omuthindo nagu tsuwe miinima ngaashi etotepo lyomadhiladhilo omape, uunkulungu, okutala oompito dhokuninga oongeshefa, edhanonkandangala nosho tuu.Okwa gwedha po kutya omadhewo guunangeshefa naga kwatelwe momihingo dhomadhewo miiputudhilo ya Namibia.Oshinima shika otashi ka kwatha Aanamibia okuninga aanangeshefa nenge tutye okwiikuta yoyene peha lyokukala aakongi yiilonga.Ta totha mo ngeyi kutya aanasikola oyendji ngele ya mana oosikola nomailongo gawo ohaya kala ya tala koshipala shEpangelo li ya pe iilonga peha lyokwiikuta yoyene nenge tutye ya ninge wo nokuli aagandji yoompito dhiilonga kuyalwe.Olopota yedhina Global Competitiveness Report oya ulike ngeyi kutya Namibia ota koko nawa miikwaliko nokwa gwile nokuli ponkatu ontitatu mokati kiilongo yomoshitopolwa sha SADC, ta popi ngaaka.Ashike, uunangeshefa we owa gu pevi shoka she mu eta ponomola ontine okuza ponomola ontiyali.Osheetithi sha Namibia ponomola ndjoka osho oluhepo kombinga yokwaa na aanongononi nooindjinia, shoka wo sha etwa kewiliko lyapuka moosikola.- NampaOkwa thaneke pamadhiladhilo ge kutya omuthindo nagu tsuwe miinima ngaashi etotepo lyomadhiladhilo omape, uunkulungu, okutala oompito dhokuninga oongeshefa, edhanonkandangala nosho tuu.Okwa gwedha po kutya omadhewo guunangeshefa naga kwatelwe momihingo dhomadhewo miiputudhilo ya Namibia.Oshinima shika otashi ka kwatha Aanamibia okuninga aanangeshefa nenge tutye okwiikuta yoyene peha lyokukala aakongi yiilonga.Ta totha mo ngeyi kutya aanasikola oyendji ngele ya mana oosikola nomailongo gawo ohaya kala ya tala koshipala shEpangelo li ya pe iilonga peha lyokwiikuta yoyene nenge tutye ya ninge wo nokuli aagandji yoompito dhiilonga kuyalwe.Olopota yedhina Global Competitiveness Report oya ulike ngeyi kutya Namibia ota koko nawa miikwaliko nokwa gwile nokuli ponkatu ontitatu mokati kiilongo yomoshitopolwa sha SADC, ta popi ngaaka.Ashike, uunangeshefa we owa gu pevi shoka she mu eta ponomola ontine okuza ponomola ontiyali.Osheetithi sha Namibia ponomola ndjoka osho oluhepo kombinga yokwaa na aanongononi nooindjinia, shoka wo sha etwa kewiliko lyapuka moosikola.- Nampa