Ewilikongudu lamuni waMbaye ola dimina efaneko lokutembula ovakalimo ovo ve likufila omadu moKuisebmond neenhele dikwao va ye koFarm 37 pakafimbo.
Etokolo eli okwa li la ningwa koshoongalele shewilikongudu shaxuuninwa ongombinga imwe yomilandu dokuungaunga nokulikufila omadu nokunghonopeka ewiliko ledu modoolopa.
Omupopiliko wamuni Anita Kaihiva, okwa ti eenghendabala edi oda shoneka ovanhu ovo ve likufila omadu moKuisebmond, peenhele dehangano loBuild Together noNational Housing Enterprise.
Novanhu vamwe ovo ve li meebashu dokonima yomaumbo.
“Onghendabala ei otai lalakanene okwaalula elandulafano meenhele odo da kumwa, okuxwepopeka eenghalo nokukwashilipaleka ewiliko ledu lopaveta nopamulandu,” osho a ti ngaho.
She likolelela kumuni, etembu otali ka kwatela mo ovanhu vamwe ovo va hoololwa hava di meebashu dokonima yomaumbo moKuisebmond nomaumbo e li o-50 koNarraville.
Ewilikongudu ola ti ombinga yoFarm 37 otai ka tulwa ovanhu ovo va hanga okumona ouwa ou pakafimbo.
Ombinga ikwao otai ka longifwa mokuungaunga nomilandu detembu.
Ovakalimo ovo tava ka tembulwa otava ka teelelwa va shaine epitikilo opo va dule okumona eedjapo, odo tadi ka wilika va kale pedu opo.
Kaihiva okwa ti ohaandimwe ashike ovo hava di meebashu odo da tofwa mo tava ka talwa.
“Ovanhu ovo inava hangika mee bashu omo pefimbo lokutalulula itava ka talwa,” osho a ti ngaho.
Okwa ti eefamili otadi ka tuwa omukumo di li idilile opo ku monike onhele ya wana, ovakalimo ovo va kumwa otava ka pewa omhito va teyaulepo eebashu davo manga inava tembulwa.
“Ngee inave shi ninga, ongudu yopoloyeka otai ka pula komesho nomulandu ou,” osho a ti ngaho.
Ewilikongudu ola londwela kutya kapu na nande obashu ihe li paveta tai ka pitikwa vali nomilandu adishe dokutunga otadi ka landulwa konhele oko tava tembulilwa.
Kaihiva okwa ti omulandu ou itau yandje oumwene wedu wopaveta kovanhu ovo tava tembulwa.
“Omulandu ou itau yandje oufemba woumwene wedu, ashike omulandu ashike wokutembula pakafimbo,” osho a ti ngaho.
Okwa ti kutya etembu itali ka nuka po nande ovo ve li momusholondodo wopambelewa wokumona omaumbo.
Opo kuyambididwe omulandu, ewilikongudu ola dimina euliko lovanailonga vopakafimbo ve li o-80.
Ovanailonga ovo tava ka vatela nokuwilika nokunghonopeka, tava longele pamwe novakalelipo voveta vamuni nopolifi.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
