Ovakainhu Vavali ovo va mangwa po mexuliloshivike shi nasha nekengelelo noulingilingi kehangano lomahooli lopashiwana ledina National Petroleum Corporation of Namibia (Namcor) ova holoka oshikando shotete momhangu yamangestrata mOvenduka onghela.
Martha Antiindi (56) naJohanna Mundjego (33) ove li modolongo sha landula eshi kwa li va holoka oshikando shotete komhangu komesho yomupanguli Olga Muharukua.
Otava ka alukila komhangu momafiku 20 Febuluali, omo tamu ka tokolwa efiku loihokolola yobooloha.
Antiindi naMundjego aveshe otava tamanekelwa oipofa itatu.
Oipofa oya kwatela mo okulongifa nokupewa oimaliwa ya dja moinima inai yela mekwatafano noshimbuluma, shoimaliwa ihe na eedjo da yela noumbudi.
Oipofa yaAntiindi, meme waVictor Malima, oo a halika mekwatafano noshipofa shokoNamcor, omwa kwatelwa oshimaliwa shi fike pomiliyona oshinghwanyu nhano nashimwe shi fike poN$172 000.
Omiliyona oshinghwanyu nhano noshimaliwa shimwe shi fike poN$270 000 oya kwatelwa moipofa yaMundjego.
Haende Silas-Kishi Shakumu okwa kalela po Antiindi naMundjego.
Omutamaneki wepangelo Menencia Hinda okwa kalela po epangelo.
