Ovanambelewa vopolifi ve li omuwoi ova pewa ehandukilo lefyo koIndia shi na sha nefyo lomushamane nomonamati modolongo momudo 2020.
P Jeyaraj (58) nomonamati Benicks (38) aveshe ova xulifila modolongo koumbuwanhu woshilando Tamil Nadu – konima yomafiku eshi kwa li va mangwa po eshi vati va kala nokupatulula okanduda kavo keengodi osho sha teya omilandu doKolona.
Ovalumenhu ovo vavali okwa li va dulwa nokuningilwa omahepeko , ndee omupanguli Omaandaxa okwa ti, oshipofa eshi elongifo nai leenghono.
“Ova ninga oshinima eshi nelalakano lokudipaya,” ta ti.
Ovanambelewa, ovo kwa li va monika ondjo yedipayo omwedi wa dja ko, otava ka dula okuninga etalululoindilo li li ominge nehandukilo olo va pewa.
“Ova ponokela ovanhu inava nyika oshiponga. Inava diminwa po.
Inava pewa ehandukilo lishona kwa talika komido nokeefamili davo. Ova hongwa,” omupanguli osho a ti ngaho pefimbo ta yandje ehandukilo.
Ovanambelewa vopolifi ve li omulongo okwa li va mangwa po shi na sha nomafyo a nyanyaleka omushamane nomonamati, ashike umwe womovatamanekwa okwa xulifa koKolona momudo2020.
Oshipofa eshi okwa li sha eta omahololomadilaadilo moTamil Nadu, novatotiveta vongudu yomilameno okwa li vamwe vomwaavo kwa li va kufa ombinga momahololomadilaadilo momapandaanda.
Omuleli wongudu yomilameno Rahul Gandhi nomundanidingi woudano wokiliketa Shikhar Dhawan okwa li vamwe vomwaavo kwa li tava pula ouyuki moshipofa shovanhu ava vavali komalungula.
Omafyo natango okwa eta oshikumungu shomahepeko taa ningwa kopolifi moIndia pouyelele.
Eengudu domaufemba oda ti ovanhu omafele ohava file meedolongo moIndia keshe omudo.
Oda holola kutya omahepeko ovanhu opo opolifi i mone oumbangi aa ninga omukalo wopolifi.
Petameko lomudo, ovanawino vOiwana Yahangana ova pula India a ninge omalunduluko akula opo a tule omilandu daye dopolifi pamwe nomilandu domaufemba ovanhu dopaunyuni.
– BBC
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
