Oministeli yEfikopamwe lOukashikekookanhu nOnghalonawa yOunona oya pula ovakulupe ovo ve na opendjela yavo ya kalekwa omwedi wa dja ko ve lilopote keembelewa dopendjela moitopolwahoololo yavo manga omwe ou inau pwa ko.
Oshinima eshi osha kuma ovakulupe ve li 15 825 vomovakulupe ve li 209 226 ovo hava kwata opendjela.
Momukanda wa shangwa Omaandaxa, omukulunhuwiliki ta vatele woministeli youkashikekookanhu, Rosina Museke-Mubonenwa, okwa ti opendjela yovakulupe ava okwa li ya kalekwa shaashi omauyelele avo kee mo momusholondodo womauyelele oshiwana.
Ekaleko eli ola eta vaha mone oshikuvila shavo shepangelo shaJuni.
“Ohatu indile ovo va kumwa koshinima eshi ndee natango inava talela po eembelewa dopendjela moitopolwahoololo yavo ve shi ninge meendelelo manga omafiku 31 Juli 2026 inaa koya.
Ngee omafiku aa a piti itaku ka yandjwa vali omhito imwe,” osho a ti ngaho.
Okwa ti kutya ovo ve lilopota nale keembelewa ova mona opendjela yavo yaJuli notava twikile okuyandja oimaliwa yaavo ve na eependjela davo da kalekwa fiyo omuSeptemba.
“Ngee ino mona oimaliwa yoye ya wana po konima yopendjela yaSeptemba, talela po ombelewa yopendjela u ka vatelwe,” sho a ti ngaho.
