Omakonakono moshibofa shomunyeka wokawe kongushu yobiliyona imwe kehangano lokuwapaleka nokuteta okawe laNamibia ledina Namib Desert Diamonds (Namdia) okwa holola kutya ovafeekelwa vamwe vati ova pukifa opolifi, ve i pa omadina avali Ovaangola ongonavo va kufa ombinga moshiningwanima omu.
Omunyeka ou oThe Namibian oya uda kutya okwa li u na okuya komesho nawa, novafeekelwa hamungala va faduka po nawa, ngeno okwa li ovashiinda inava vakela ko ehangano lokwaamena omaliko lopaumwene olo la lotoka onghuwo ndee tali va mange fiyo opolifi otai fiki.
Odjo i li popei noNamdia Omaandaxa oya tengeneka kutya okawe oko ka vakwa po otashi dulika ka kale ke na ongushu yobiliyona fiyo obiliyona imwe oshinghwanyu nhatu.
Omahangano akwao oikundaneki otaa ti omwaalu otashi dulika u fike peemiliyona N$280 ile N$700.
Omupedu komufa wopolifi inspekta Elias Mutota Omaandaxa okwa koleka kutya ovafeekelwa vatatu ova dimbulukiwa shi na sha noshiningwanima eshi: Omukulunhu woshikondo shoinima yomeni woTrustco noshikondo shokuninga omakonakono opaungoba Max Endjala, mumwaina Joel Angula naSam Shololo.
Endjala okwa xulifa Olomakaya.
Omunyeka ou natango owa eta efyo lomukulunhu weameno waNamdia Francis Eiseb (57), oo kwa li a dipawa.
Eiseb okwa li omumwainamati akula waBryan Eiseb, omukulunhuwiliki wehangano lokuungaunga noumbudi woimaliwa ledina Financial Intelligence Centre (FIC), ehangano olo li na oshinakuwanifa shokulwifa oimbuluma yopashimaliwa moshilongo.
Bryan okwa longele ongomunashipundi wewilikongudu loNamdia okudja muDesemba 2019 fiyo oMarsa 2024.
OKAWE NEFYO
Ongushu yokawe oko ka vakwa po aishe kai shiivike, shaashi opolifi fiyo opapa oya tya ashike filu kombinga yomwaalu. Ova ti otava ningai oshoongalele shoikundaneki mOvenduka Onghela opo va yandje ouyelel kombinga yomunyeka.
Namdia Oshoondaxa okwa li a shiivifa kutya ovafeekelwa vavali ova faduka po.
Ashike oThe Namibian oi udite kutya opolifi, nande ongaho, inai itavela vali kutya ovafeekelwa vavali va wedwa pookwa li va kwatelwa mo moshingwanima eshi.
Odjo oya ti omadina Ovaangola oo a yandjwa kuvamwe vomovafeekelwa ovo va manghwa po itaa dulu okukolekwa.
Tete okwa li ta ku feekelwa kutya ovafeekelwa ve li vavali ova pita moipeleki mombada yetungo ndee tava okwa li ashike omapopyo ongaho, odjo osho ya ti ngaho.
Odjo oya weda po kutya oufano okwa li va kwata omunyeka aushe, ashike inava holola nande oumbangi wovafeekelwa vavali va wedwa po.
Namdina otaku tiwa okwa hangika e li pyakidila nokunghonopeka eesystema daye deameno. Mutota odula yandjanko okwa li a londoda Namdia kombinga yomunyeka pefimbo kwa li e na oshoongalele nehangano.
Okwa li yoo vali a pula ehangano opo li yambule po eameno lalo.
“Eeno, ondi shi shi kombinga yelondodo olo kwa li twa yandja koNamdia kombinga yomunyeka wa longekidwa, ashike osho osho ashike handi dulu okupopya,” Mutota okwa koleka oshinima eshi Omaandaxa.
Okwa ti omakonakono otaa twikile.
“Ashike nee, itatu holola ouyelel uhapu manga,” Osho a ti ngaho.
Omufeekelwa umwe, wedina Max Endjala, vati okwa li a ya moNamdia a longefa okakalata kakwisha vati e ka pewa komumwaina, omupolifi mukulu oo naye a li moilonga.
Omalinyengo a piyaana meni letungo okwa fininika ovanailonga vamwe vaNamdia va vakele ko oukulunhu weameno wehangano, Francis Eiseb (57), oo kwa li a ifanwa okudja keumbo opo a konakone.
Lwopotundi18h30, Eiseb okwa li a fika ponhele opo pa ningilwa oshiningwanima eshi ndee ta taalele ovafeekelwa.
Okwa lopotwa kutya Eiseb okwa dimbulukwa Endjala, oo kwa li ina djala sha nande koshipala kwa li.
Olwoodi ola tameka , opo neendjebo de ke liumbwa.
Eiseb okwa li kwa lopotwa kutya okwa kwatwa kovafeekelwa ndee ta dipawa. Ouyelele umwe otau ti omunhu oo kwa li ta shingi ta piti ponhele opo okwa mona ohauto i n aonomola yaAngola i li pondje yetungo.
Okwa li a limbililwa ndee ta dengele opolifi. Onomola yaAngola otaku ti omukalo ashike wokupukifa opolifi.
Pefimbo lomunyeka, ovafeekelwa vati o0kwa li va ningila ovanailonga omahepeko opalutu nomatilifo, tave va tete neembele nokuvaningila omatilifo efyo eshi tava anye.
Ovafeekelwa otaku tiwa ova konga okawe monhele omo aishe.
Eshi omahauto opolifi e ya, ovafeekelwa ova sholola ndee tava kendabala okufaduka po nouwe.
Ovafeekelwa vamwe vati ove shi pondola okufaduka po nohauto, omanga Endjala navakwao va shaala po.
Eshi va mona opolifi, Endjala vati okwe liyasha moipafi yavo.
Okwa li a twalwa koshipangelo, ashike okwa li a monka kutya okwa xulifa eshi a fika. Omufeekelwa mukwao okwa li a kwatelwa ponhele opo.
Opolifi okwa li ya konga etungo nomudingonoko aushe, tai feekele kutya ovafeekelwa vamwe otashi dulika va faduka po okupitila mombada yetungo.
Pefimbo loshikonga eshi, komufa Nelius Becker, omukulunhu koshikondo shkuninga omakonakono opaungoba shopolifi, vati okwa wa pombada yetungo ndee oupando vaye aveshe tava teka.
Eshi kwa li ta popi noThe Namibian Omaandaxa, omupedu komufala inspekta Elias Mutota okwa ti kakwa li nande e na ouyelele kombinga yoshiningwanima eshi.
“Kandi na eshiivo kombinga yoshiningwanima osho nokakwa li nande nada lombwelwa kombinga yasho,” Osho a ti ngaho. Okwa li kwa ningwa yoo omakonakono Oshoondaxa oo a eta fiyo Angula ota mangwa po.
Okwa li a mangwa po keumbo, oko kwa li kwa hangika ouwe vamwe ovo va vakwa koNamdia.
Eedjo odo di li popepi nomakonakono oda itavela kutya omunyeka okwa li oshinima sha longekidwa meni lehangano.
Epeko lopolifi ola patululwa, noibofa ngaashi omunyeka wa homata nedipao.
Momukanda oo wa pitifwa koNamdia Oshoondaxa, omukulunhuwiliki waNamdia Alisa Amupolo okwa ti ehangano otali longele kumwe nopolifi. “Namdia okwa koleka kutya oshiningwanima eshi osha ningwa konhele yavo komatango Olomakaya, 18 Januali 2025,” Osho a ti ngaho.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!