omupopiliko wapresidente Netumbo Nandi-Ndaitwah, Jonas Mbambo, okwa ti presidente oku li moundjolowele uwa.
Omapopyo aye aa landula eelopota doikundaneki dodula yandja ko muDesemba tadi popi kutya Nandi-Ndaitwah (73) okwa mona etando koSwakopmund, vati la ningwa kondokotola ya dja koAsia.
Ashike nee, Mbambo Etine la dja ko ina anya nande ile a koleke oshinima eshi.
“Ombelewa yapresidente oya hala okukwashilipaleka oshiwana kutya presidente Netumbo Nandi-Ndaitwah oku li moundjolowele uwa nomomhepo iwa.
Kapu na omukundu washa, natango ota dulu okuwanifa po oilonga yaye ongomutwe woshilongo,” Mbambo osho a ti ngaho.
Eshi a nyamukula omapulo oo a pulwa koThe Namibian okwa ti kapu na nande oupyakadi washa wopaundjolowele ngeno tau dulu okutilifa oshiwana.
Okwa weda po kutya nande presidente oku li omupiya woshiwana nokwa pandula eshi oshiwana shi na noundjolowele waye, omafeekelo inaa dindwa kee li mouwa woshiwana.
“Okweeta engwangwano inali pumbiwa kashi li mondjila,” osho a ti ngaho.
Ombelewa yapresidente oshivike sha dja ko okwa li ya tulika komalungula kutya Nandi-Ndaitwah okwa li a popifa ovadali noshiwana komukunda wavo koshitopolwahoololo shaHangwena.
“Ovanamibia nava kwashilipalekwe kutya presidente ota wanifa po oilonga yaye noku li moshiwana, osho tashi ulike kutya oundjolowele waye ou li nawa, elitulemo nelilongekido laye okuyakula oshiwana,” ombelewa yapresidente osho ya shanga ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
