Omukulunhu wopolifi koshitopolwahoololo shErongo komisina Nikolaus Kupembona okwa ti opolifi otai twikile nokumona eelopota doimbuluma yokomalungula notai nghonopeke oilonga yomakonakono mangha tai longo momahangano atelecom i konge ovafufi ava.
Oshinima eshi okwe shi popya Etitatu pedimbuluko lefiku loufemba womunhu koUis.
Kupembona okwa ti oimbuluma yokomalungula omwa kwatelwa okuningila ovanhu omatilifo,okulongifa omaukwatya ovanhu, omalushindo okushikula ovanhu komalungula paholamo, okutulika omafano opaixulo komalungula shihe li mondjila nokuheka ovanhu komalungula, oinima imwe oyo i li pombada neenghono notai hepeke omaufemba ovanhu, unene ngaa ounona voukadona vashona.
“Oimbuluma yokomalungula oyoshili, ndee ohai teyaula po ondjokonona, ohai hepeke oundjolowele wopamadilaadilo, ohai teya po eefamili nopeemhito dimwe ohai fininike onakuninga oihakanwa ve limonife oiponga,” osho a ti ngaho.
Okwa ti kutya eenghendabala dokukwatela po oveta ode likolelela keeveta ngaashi okatendo kokukelela oimbuluma yomomaumbo nokatendo kefiloshisho lounona neameno, ashike okwa yeleka kutya opolifi oyo aike itai dulu okxulifa po oimbuluma yokomalungula.
Ohai komesho nawa opo oshiwana sha mwena, osho a ti ngaho.
Kupembona onghee nee okwa indila ovadali va tonatele oinima oyo hai ningwa kounona vao komalungula ndee ta pula oshiwana shi lopote oiningwanima puhe na ekateko.
Ngoloneya wErongo Natalia |Goagoses moshipopiwa shaye okwa ti omikundu domahepeko okomalungula otadi i pombada.
Ashike nee epangelo olo alike itali dulu okuya shipondola, osho a ti ngaho.
Ngoloneya okwa pula elongelokumwe la kola pokati koshiwana, omalelo opamufyuululwakalo, eefamili, eengeleka kunghonopekwe eameno lomahepeko okomalungula.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
