OSIPANA yoonyati dha konda pomathele gaali ndhoka omwedhi gwa zi ko dha li dha kondekelwa komeya puuntuntu uyali moshitopolwa sha Caprivi, odhi li natango dha kondekelwa komeya puuntuntu mbuka.
Omukuluntuwiliki gwopevi mOshikondo shOpaaka dhIiyamakuti nOmakondololo gIiyamakuti, Colgar Sikopo, okwa lombwele The Namibian mOmaandaha kutya oonyati dhika opo dhi li natango pokantu ke li pu Kasita omanga dhimwe li pu kamwe ke li pu Kabulabula. Sikopo okwa ti oonyati dhika itadhi vulu okuza ko kuuntuntu mbuka, molwashoka aniwa owa tulwa pokati komeya ogendji. ‘Otadhi si omeya, ngele odhi zi ko,’ Sikopo ta popi ngaaka. Okwa ti oonyati ashike ndatu dha si dhomoonyati dhika. Onyati yimwe onkuluntu oya si sho ya oi ya ehemekwa koonyankwo manga dha li tadhi hakana iikulya, omanga uunyatigona uyali wa si omeya.
Sikopo okwa ti Uuministeli otau tsikile nokugandja olusiana nomamongwa gokulatha koonyati ndhika, molwashoka kuuntuntu mbuka uyali ka ku na iikulya. Paeveta dhi na sha negameno lyiiyamkuti dha Namibia, onyati oshiyamakuti hashi vulu ashike ukudhipga uuna omuntu e na opelemeta.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
